ჩვეულებრივი კოწახური

ჩვეულებრივი კოწახური^[1] (ლათ. Berberis vulgaris) — მცენარე კოწახურისებრთა ოჯახისა. 3 მეტრამდე სიმაღლის ხე ან ბუჩქია. აქვს სამად გაყოფილი ქაცვისებრი ეკლები (ნორჩ ტოტებზე ზედა ეკლები მარტოულია); თხელი, შიშველი, მწვანე ფერის ფოთლები, ფორმით – ელიფსურიდან მოგრძოლანცეტამდე, რომლებიც ფუძისკენაა შევიწროებული და კიდეებზე ხერხკბილა. ყვავილედი მრავალყვავილიანია, ქვევით ჩამოკიდებული. ყვავილი ფერად ყვითელია. ნაყოფს ელიფსის ფორმა აქვს, ფერად წითელია, იშვიათად — ყვითელი. ყვავის და ნაყოფმსხმოიარობს მაის-ივლისში. გავრცელებულია კავკასიაში, ცენტრალურ და სამხრეთ ევროპაში. გვხვდება მთელ საქართველოში. იზრდება ტყისპირა ადგილებში, ხეობებში, ბუჩქნარებში.^[2]

ჩვეულებრივი კოწახური
ნაყოფიანი ტოტი
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ორლებნიანნი რიგი:  ბაიასნაირნი ოჯახი:  კოწახურისებრნი გვარი:  კოწახური სახეობა:  ჩვეულებრივი კოწახური
ლათინური სახელი
Berberis vulgaris L., 1753
სისტემატიკა ვიკისახეობებში სურათები ვიკისაწყობში ITIS   18837 NCBI   258209 EOL   596556 IPNI   328527-2 TPL   kew-2674612

ფშავში ეწოდება ეკალძმარა; ხევსურეთში — ესკალძმარა; რაჭაში — კვაწახური; მთიულეთში — კოწმახური; ჭანურად — კაწახური; მეგრულად — კორწოხული; სვანურად — გვაწხირ, გოწხირ.^[1]

გალერეა

• 
  ყვავილებიანი ტოტი
• 
  ნაყოფი
• 
  ბოტანიკური ილუსტრაცია

სქოლიო

1. მაყაშვილი ა., ჩვეულებრივი კოწახური // ბოტანიკური ლექსიკონი, თბ.: „საბჭოთა საქართველო“, 1961.
2. სუხიტაშვილი კახაბერ, საქართველოს ყვავილოვანი მცენარეები, თბ.: კავკასიის გარემოსდაცვითი არასამთავრობო ორგანიზაციების ქსელი, 2018. — გვ. 76.