![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/Relief_Map_of_Turkmenistan.png/640px-Relief_Map_of_Turkmenistan.png&w=640&q=50)
ყარაბილი
From Wikipedia, the free encyclopedia
ყარაბილი (თურქმ. Garabil belentligi) — ბორცვიანი მაღლობი ფაროფამიზის მთისწინეთში, მურღაბისა და ამუდარიის მდინარეთაშუეთში, თურქმენეთის სამხრეთ ნაწილში და ნაწილობრივ ავღანეთში. ჭარბობს ბორცვიან-დაბალმთიანი რელიეფი.
სწრაფი ფაქტები ყარაბილი ...
ყარაბილი | |
---|---|
კოორდინატები: 36°14′56″ ჩ. გ. 63°39′57″ ა. გ. | |
ქვეყანა | ![]() ![]() |
უმაღლესი წერტილი | გარქენთი |
სიმაღლე | 942 მ |
ფართობი | 20 კმ² |
დახურვა
სიმაღლე 942 მ-მდე (მთა გარქენთი). ფართობი დაახლოებით 20 ათ. კმ². აგებულია ნეოგენური და ანთროპოგენური ასაკის ალუვიურ-პროლუვიური წვრილმარცვლოვანი ლიოსისებრი ქვიშაქვებით.
ზედაპირი დახრილია ჩრდილოეთიდან სამხრეთისაკენ. დაფარულია ეფემერული უდაბნოებითა და ნახევარუდაბნოებით და აგრეთვე სუბტროპიკული ეფემეროიდული სტეპებით.
ტერმინი „ბილი“ ბელის ფორმაში ფართოდ არის წარმოდგენილი თურქულ ენებში, სადაც აღნიშნავს „ქედს“, „მთისწინეთს“, „უღელტეხილს“, ხოლო „ყარა“ ნიშნავს „შავს“, ესე იგი, ყარაბილი — „შავი ქედი“, „შავი მთისწინეთი“.