![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/68/Sulfur_dioxide_emissions_from_the_Halemaumau_vent.jpg/640px-Sulfur_dioxide_emissions_from_the_Halemaumau_vent.jpg&w=640&q=50)
ფუმაროლები
From Wikipedia, the free encyclopedia
ფუმაროლები (იტალ. fumarola, ვულკანის მბოლავი ნაპრალი) — ვულკანის კრატერში, მის კალთებზე ან ძირთან არსებული მცირე ზომის ხვრელები და ნაპრალები, რომლებიდანაც გამოიყოფა ცხელი აირები (H2O, HCI, HF, SO2, CO2, CO, H2S, H2 და სხვ.).
![Thumb image](http://upload.wikimedia.org/wikipedia/commons/thumb/6/68/Sulfur_dioxide_emissions_from_the_Halemaumau_vent.jpg/640px-Sulfur_dioxide_emissions_from_the_Halemaumau_vent.jpg)
განარჩეენ პირველად (აირები უშუალოდ მაგმიდან გამოიყოფა) და მეორეულ (აირები ნაწილობრივ გაცივებული ვულკანური ნაკადებიდან და პიროკლასტური ნალექებიდან გამოიყოფა) ფუმაროლებს. აირები ხშირად დიდი წნევითა და ხმაურით გამოიყოფა. ფუმაროლებიდან შეიძლება გამოდიოდეს ცხელი წყაროებიც — ფუმაროლური თერმები, რომლებიც წარმოიქმნება წყლის ორთქლის კონდენსაციისა და თანმხლები ვულკანური აირების წყალში გახსნის შედეგად.
ფუმაროლებთან ხშირად გროვდება ჰალოგენიდები, სულფატები და თვითნაბადი გოგირდი.
დიდი რაოდენობით ფუმაროლები გვხვდება იელოუსტოუნის ეროვნულ პარკში.