ფრანცისკე
From Wikipedia, the free encyclopedia
From Wikipedia, the free encyclopedia
ფრანცისკე (ლათ. Franciscus; ერისკაცობაში ხორხე მარიო ბერგოლიო, ესპ. Jorge Mario Bergoglio; დ. 17 დეკემბერი, 1936, ბუენოს-აირესი) — რომის 266-ე[1] პაპი 2013 წლის 13 მარტიდან. წარმოადგენს კათოლიკური ეკლესიისა და ვატიკანის სუვერენული სახელმწიფოს მეთაურს. სახელი ფრანცისკე აიღო ესპანელი მისიონერის, „იესოს საზოგადოების“ თანადამფუძნებელ ფრანსისკო ხავიერისგან. იგი პირველი იეზუიტი პაპია, პირველი ამერიკის სუბკონტინენტიდან და პირველი სამხრეთ ნახევარსფეროდან. გარდა ამისა, არის მეორე არაევროპელი პაპი სირიელი გრიგოლ III-ის შემდეგ (პაპი 731-741 წწ.)
უწმიდესი რომის პაპი ფრანცისკე | |||
პაპი ფრანცისკე 2014 წელს | |||
| |||
---|---|---|---|
13 მარტი, 2013-დან | |||
არჩევა: | 13 მარტი, 2013 | ||
ინტრონიზაცია: | 19 მარტი, 2013 | ||
ეკლესია: | რომის კათოლიკური ეკლესია | ||
წინამორბედი: | ბენედიქტე XVI | ||
დაბადების სახელი: | ხორხე მარიო ბერგოლიო | ||
ორიგინალი დაბადების სახელი: |
Jorge Mario Bergoglio | ||
დაბადება: | 17 დეკემბერი, 1936 ბუენოს-აირესი, არგენტინა | ||
კარდინალი: | 21 თებერვალი, 2001 | ||
ხელმოწერა: | |||
პაპად არჩევამდე, იყო კათოლიკური ეკლესიის არგენტინელი კარდინალი; 1998 წლიდან მსახურობდა ბუენოს-აირესის არქიეპისკოპოსად, 2001 წლიდან კი კარდინალად.
ხორხე ბერგოლიო[2] ბუენოს-აირესში დაიბადა, იტალიელი იმიგრანტების, რკინიგზის მუშაკისა და მისი ცოლის ხუთშვილიან ოჯახში.[1] ბუენოს-აირესის უნივერსიტეტში მიიღო მაგისტრის ხარისხი, შემდეგ კი სწავლა განაგრძო ვილია-დევოტოს სემინარიაში.[3] 1958 წლის 11 მარტს „იესოს საზოგადოებაში“ შევიდა. სან-მიგელის მასიმო სან-ხოსეს კოლეჯში ბერგოლიომ მიიღო ლიცენციატის ხარისხი ფილოსოფიაში; ამის შემდეგ, სანტა-ფეს ლამაკულადის კოლეჯსა და ბუენოს-აირესის სალვადორის უნივერსიტეტში შეისწავლა ლიტერატურა და ფსიქოლოგია.[4]
1969 წლის 13 დეკემბერს არქიეპისკოპოსმა რამონ ხოსე კასტელიანომ აღკვეცა ბერ–მონაზვნად. პარალელურად იგი სწავლას განაგრძობდა სან-მიგელის სემინარიაში, ფილოსოფიისა და თეოლოგიის ფაკულტეტებზე. აქვე მან თეოლოგიის პროფესორის ხარისხი მიიღო. 1980 წელს ის ამ სემინარიის რექტორი გახდა. პოსტზე 1986 წლამდე მუშაობდა. სადოქტორო დისერტაცია ბერგოლიომ გერმანიაში დაიცვა და სამშობლოში დაბრუნების შემდეგ კორდობაში მოძღვრად დაიწყო მსახური.
1998 წლის 28 თებერვალს კარდინალ ანტონიო კარასინოს მემკვიდრედ დასახელდა. სტატუსი ოფიციალურად 2001 წლის 21 თებერვალს, ვატიკანში, პაპმა იოანე პავლე II-მ უბოძა.
2016 წლის 30-2 ოქტომბერს რომის პაპი ფრანცისკე I საქართველოს ეწვია. მისი ვიზიტი საქართველოს პრეზიდენტისა და საქართველოს კათოლიკოს-პატრიარქის მოწვევით შედგა. 30 სექტემბერს პაპ ფრანცისკეს შეხვედრები ჰქონდა საქართველოს პრეზიდენტთან, სტუმრობდა მის უწმიდესობასა და უნეტარესობას ილია II-ს, სადაც ორივე მხარემ შესაბამისი სიტყვა წარმოსთქვა. პატრიარქი ილია II:
პაპი ფრანცისკე:
შემდეგ პაპს შეხვედრა ჰქონდა ასირიულ-ქალდეურ საკრებულოსთან. 1 ოქტომბერსს მისმა უწმიდესობა ფრანცისკემ წმიდა წირვა აღავლინა მიხეილ მესხის სახელობის თბილისის ლოკომოტივის სტადიონზე. შეხვდა მღვდლებსა და ბერ-მონაზვნებს, ხოლო კამილიელთა ცენტრში ეკლესიის საქველმოქმედო საქმიანობის ბენეფიციარებსა და მუშაკებს.[7]
რომის პაპი საქართველოს კათოლიკოს-პატრიარქთან ერთად ეწვია მცხეთას და მოინახულა სვეტიცხოვლის საკათედროს ტაძარი, რომელშიც საეკლესიო ტრადიციით უდიდესი ქრისტიანული საუნჯეები ინახება.
რომის პაპმა საქართველო 2 ოქტომბერს დატოვა. საქართველოს კათოლიკოს-პატრიარქმა რომის პაპის ვიზიტს ისტორიული უწოდა.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.