From Wikipedia, the free encyclopedia
სტივენ ენტონი „სტივ“ ბალმერი (ინგლ. Steve Ballmer; დ. 24 მარტი, 1956)[2] — ამერიკელი ბიზნესმენი, რომელიც იყო Microsoft-ის აღმასრულებელი დირექტორი 2000 წლიდან მოყოლებული 2014 წლამდე,[3] მანამდე სანამ იგი ამ პოსტზე არ შეცვალა სატია ნადელამ.
| სტივ ბალმერი Steve Ballmer | |
|---|---|
 | |
| დაბადების სახელი | სტივენ ენტონი ბალმერი |
| დაბადების თარიღი |
24 მარტი, 1956 დეტროიტი, მიჩიგანი, აშშ |
| რეზიდენცია | ჰანტს-პოინტი, ვაშინგტონი |
| ეროვნება | ამერიკელი |
| ალმა-მატერი |
ჰარვარდის კოლეჯი სტენფორდის უნივერსიტეტი |
| მეუღლე(ები) | კონი სნაიდერი (1990-დღემდე) |
| შვილ(ებ)ი | 3 |
| ჯილდოები | საპატიო ორდენი |
| სუფთა მოგება |
 აშშ$27.8 მილიარდი (2016-ის მონაცემით)[1] |
ბალმერი არის საკალათბურთო კლუბ ლოს-ანჯელეს კლიპერსის მფლობელი, რომელიც 2014 წლის 12 აგვისტოს შეიძინა 2 მილიარდი დოლარის სანაცვლოდ.[4][5]
2016 წლის მონაცემებით მისმა ქონება შეადგენს დაახლოებით $27.8 მილიარდს,[6] რაც ხდის მას მსოფლიოში 22-ე ყველაზე მდიდარ ადამიანად.[7]
ბალმერი დაიბადა დეტროიტში, ბეატრის დვორკინისა და ფრედერიკ ჰენრი ბალმერის ოჯახში. მამამისი იყო შვეიცარიელი ემიგრანტი და მუშაობდა Ford Motor Company-ის მენეჯერად,[8] ხოლო დედა — ებრაელი, რომელიც ცხოვრობდა ამერიკაში.[9] 1973 წელს ბალმერმა დაამთავრა „Detroit Country Day”-ის სკოლა და განაგრძო თავისი გზა ჰარვარდის უნივერსიტეტისკენ. მან ჩააბარა მათემატიკისა და ეკონომიკის ფაკულტეტზე. სწავლის პერიოდში იგი იყო საფეხბრუთო გუნდის მენეჯერი. აგრეთვე მუშაობდა ჰარვარდის ყოველდღიურ გაზეთში. 1977 წელს მან წარჩინებით დაამთავრა ჰარვარდის უნივერსიტეტი და მიიღო ბაკალავრის ხარისხის წოდება..[10] შემდეგ ჩააბარა სტენფორდის უნივერსიტეტში მაგისტრის ხარისხზე, თუმცა 1980 წელს მიატოვა სწავლა და დაიწყო მუშაობა მაიკროსოფტში.[11]
სტივ ბალმერი შეუერთდა Microsoft-ს 1980 წლის 11 ივნისს, და გახდა კომპანიისს 30-ე თანამშრომელი. ბილ გეიტსმა თავდაპირველად მას შესთავაზა ხელფასის სახით $50,000 და 8%-იანი წილი.
2000 წელს ბალმერი გახდა Microsoft-ის გენერალური დირექტორი. ბალმერი ამ პოსტზე მსახურობდა 14 წლის განმავლობაში. 2014 წელს იგი ამ თანამდებობაზე შეცვალა სატია ნადელამ.
1990 წელს მან იქორწინა კონი სნაიდერზე[12], ვისგანაც ეყოლა სამი შვილი.[13]
ბალმერი მეუღლესთან ერთად ცხოვრობს ჰანტს-პოინტში, ვაშინგტონის შტატში.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
