![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9a/Sarcophaga_nodosa.jpg/640px-Sarcophaga_nodosa.jpg&w=640&q=50)
საპროფაგია
ორგანიზმების კვება სხვა ორგანიზმების ლპობადი ნაწილებით / From Wikipedia, the free encyclopedia
საპროფაგია (ბერძ. σαπρός — „დამპალი“ და φάγος — „შთამნთქმელი“) — ცხოველთა კვება სხვა ცხოველთა ლეშით, ლპობადი ნარჩენებითა და გამონაყოფით (ექსკრემენტებით).[1] ასეთებია აფთარი, სვავი, ყორანი, ლეშიჭამია და ტყავიჭამია ხოჭოები, ხორცისა და ლეშის ბუზების მატლები, წყლის ცხოველებიდან ზოგი კიბოსნაირი (განსაკუთრებით ფსკერის გვერდულები, მდინარის კიბოები).[2] მეორე გაგებით, საპროფაგებს მიეკუთვნება ყველა ის ორგანიზმი (ცხოველი, მცენარე, სოკო და სხვ.), რომელიც ლპობადი ბიომასით იკვებება.[3] საპროფაგებს ნაწილობრივ მტაცებელი და ყველაფრისმჭამელი ცხოველებიც განეკუთვნება.[2] ორგანული ნივთიერებების დაშლის პროცესში მონაწილეობით საპროფაგები ნივთიერებათა და ენერგიის ბიოლოგიური წრებრუნვის ერთ-ერთ რგოლს წარმოადგენენ. წყლის საპროფაგები მონაწილეობენ წყლის ბიოლოგიურ გასუფთავებაში, ნიადაგში მობინადრენი — ნიადაგთწარმოქმნაში, ხელს უწყობენ ნიადაგის ნაყოფიერების ამაღლებას.[1] ლპობადი ნარჩენების მოსპობით საპროფაგები სანიტრის როლს ასრულებენ.[2]
![Thumb image](http://upload.wikimedia.org/wikipedia/commons/thumb/9/9a/Sarcophaga_nodosa.jpg/640px-Sarcophaga_nodosa.jpg)
![Thumb image](http://upload.wikimedia.org/wikipedia/commons/thumb/1/16/Mycena_interrupta.jpg/640px-Mycena_interrupta.jpg)