From Wikipedia, the free encyclopedia
მასტურბაცია, ონანიზმი, ჩუკენობა (ლათ. manus — ხელი + stupro — მრუდობა) — სქესობრივი ლტოლვის დაკმაყოფილების ფორმა, საკუთარი ეროგენული ზონების აღგზნების გზით; იგულისხმება ძირითადად, ე. წ. უდავო ეროგენული ზონები, რომელთა რიცხვს განეკუთვნება გენიტალიები. მამაკაცთა მასტურბაციას ზოგჯერ „ონანიზმსაც“ უწოდებენ, რაც ძველი აღთქმის პერსონაჟის, ონანის, სახელიდან მომდინარეობს. არსებობს მასტურბაციის სხვა სინონიმებიც — ხელმრუდობა, ჩუკენობა[1]. მასტურბაცია, რელიგიათა მთელი რიგის თვალსაზრისით, ცოდვად მიიჩნევა.[1][2]
მასტურბაცია ავტოეროტიციზმის ყველაზე გავრცელებული ფორმაა, და ეს ორი სიტყვა ხშირად სინონიმური მნიშვნელობით გამოიყენება, თუმცა მასტურბაცია პარტნიორთან ერთად ასევე ხშირია. ცხოველთა მასტურბაცია გავრცელებულია მრავალ სახეობაში, როგორც ველურ გარემოში, ისე ტყვეობაში.
რელიგიური აკრძალვების გარდა, არსებობს ფართოდ გავრცელებული ცრურწმენა, რომ მასტურბაცია ორგანიზმში ღრმა პათოლოგიურ ცვლილებებს (მათ შორის ხელის გულებზე თმის ზრდას) იწვევს.
ქალებისთვის მასტურბაცია ძირითადად გულისხმობს ვულვის, განსაკუთრებით კი კლიტორის, დაზელასა და სტიმულაციას საჩვენებელი ან შუა თითით ან ორივეთი ერთად. ზოგჯერ ასევე ერთი ან რამდენიმე თითით ხდება ვაგინის პენეტრაცია მისი წინა კედლის სტიმულაციისთვის, სადაც G-წერტილი მდებარეობს.[3] ვაგინისა და კლიტორის სტიმულაციისთვის ზოგჯერ იყენებენ სექს-სათამაშოებსაც, მაგალითად, ვიბრატორსა და დილდოს. ზოგი ქალი ამავდროულად თავისუფალი ხელით ძუძუსთავების ან ანუსის სტიმულაციითაც კავდება. მასტურბაციისას ზოგჯერ იყენებენ ინტიმურ ლუბრიკანტს, განსაკუთრებით პენეტრაციის შემთხვევაში, თუმცა ეს უნივერსალური წესი არ არის და ზოგი ქალისთვის ბუნებრივი ვაგინალური ლუბრიკაციაც საკმარისი.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.