From Wikipedia, the free encyclopedia
კინგისეპის რაიონი (რუს. Кингисеппский район) — ადმინისტრაციული ერთეული ლენინგრადის ოლქში, რუსეთი. ადმინისტრაციული ცენტრი — ქალაქი კინგისეპი, საიდანაც მომდინარეობს რაიონის სახელწოდებაც. შეიქმნა 1927 წელს, ისტორიულად კინგისეპის რაიონის ტერიტორია მოიცავდა იამბურგის მაზრის ტერიტორიას, რომელიც 1783 წელს შეიქმნა. კინგისეპის რაიონს ჩრდილო-დასავლეთით — ლომონოსოვის, აღმოსავლეთით — ვოლოსოვის და სამხრეთით — სლანცის რაიონები, ხოლო დასავლეთით — ესტონეთი ესაზღვრება. ჩრდილო-დასავლეთით გარშემორტყმულია ფინეთის ყურით. 2010 წლის მონაცემებით რაიონის მოსახლეობა 78 183 ადამიანს შეადგენდა.
მუნიციპალური რაიონი | |||||
---|---|---|---|---|---|
კინგისეპის რაიონი Кингисеппский район | |||||
![]() | |||||
| |||||
ქვეყანა |
![]() | ||||
ადმ. ცენტრი | კინგისეპი[1] | ||||
შიდა დაყოფა | Ivangorodskoye urban settlement[1] , Kingisseppskoye urban settlement[1] , Bolshelutskoye rural settlement[1] , Vistinskoye rural settlement[1] , Kotelskoye rural settlement[1] , Kuzyomkinskoye rural settlement[1] , Nezhnovskoye rural settlement[1] , Opolyevskoye rural settlement[1] , Pustomerzhskoye rural settlement[1] , Ust-Luzhskoye rural settlement[1] და Falileyevskoye rural settlement[1] | ||||
კოორდინატები | 59°22′00″ ჩ. გ. 28°36′00″ ა. გ. | ||||
დაარსდა | 1927 | ||||
ფართობი | 2990 კმ² | ||||
მოსახლეობა | 78 183 კაცი (2010) | ||||
სიმჭიდროვე | 26.15 კაცი/კმ² | ||||
ეროვნული შემადგენლობა | რუსები | ||||
სასაათო სარტყელი | UTC+4 | ||||
სატელეფონო კოდი | +7 81375 | ||||
ოფიციალური საიტი | kingisepplo.ru | ||||
![]() | |||||
რაიონის ტერიტორია ძირითადად დაბლობებისგან შედგება, მაქსიმალური სიმაღლე ზღვის დონიდან 0-150 მეტრია. აღმოსავლეთით მდებარეობს სოიკინსკის მაღლობი, ხოლო მდინარეების გასწვრივ ლუგისა და პლიუსკაიას დაბლობებია. რაიონის ტერიტორია მრავლადაა სხვადასხვა ბუნებრივი ნივთიერების ბუდობი. კლიმატი ზომიერი-კონტინენტურია, ივნისში საშუალო ტემპერატურა — 17 °C, ხოლო იანვარში − 8°C-ია. ნალექების წლიური რაოდენობა 550—700 მმ-ია.
1783 წელს სანქტ-პეტერბურგის გუბერნიის შემადგენლობაში წარმოიქმნა იამბურგის მაზრა, რომლის ცენტრიც ქალაქი იამბურგი (დღევანდელი კინგისეპი) იყო. 1922 წელს ამ რაიონს კინგისეპის რაიონი ეწოდა. 1927 წელს ლენინგრადის ოკრუგის შემადგენლობაში წარმოიქმნა კინგისეპის რაიონი, ის კინგისეპის მაზრის ოთხი რაიონიდან ერთ-ერთი იყო. 1930 წელს ოკრუგების გაუქმების შემდეგ რაიონი ლენინგრადის ოლქის შემადგენლობაში შევიდა. 1931 წლის იანვარში კინგისეპის რაიონის შემადგენლობაში შევიდა გაუქმებული კოტელსკის რაიონის ტერიტორია. 1935—1940 წლებში კინგისეპის რაიონი ექვემდებარებოდა კინგისეპის ოკრუგს, რომელიც, თავის მხრივ, მოიცავდა ვოლოსოვისა და ოსმინსკის რაიონებს.
რაიონის მოსახლეობის დინამიკა:
წელი | მოსახლეობა, ადამ. | წყარო | შენიშვნა |
---|---|---|---|
1959 | 48 995[2] | 1959 წლის საყოველთაო საკავშირო აღწერა | |
1970 | 53 672[3] | 1970 წლის საყოველთაო საკავშირო აღწერა | |
1979 | 34 580[4] | 1979 წლის საყოველთაო საკავშირო აღწერა | კინგისეპის გარეშე (38 784 ადამ.) |
1989 | 34 081[5] | 1989 წლის საყოველთაო საკავშირო აღწერა | კინგისეპის გარეშე (49 954 ადამ.) |
2002 | 20 408[6] | 2002 წლის აღწერა | კინგისეპისა და (50 295 ადამ.) ივანგოროდის გარეშე (11 209 ადამ.) |
2010 | 78 183 | 2010 წლის აღწერა |
2010 წლის აღწერის მონაცემებით რაიონის მოსახლეობა 78 183 ადამიანს შეადგენდა, რაც ლენინგრადის ოლქის მოსახლეობის საერთო რაოდენობის 4,55 %-ია. ამ მონაცემებით იგი ოლქში მეშვიდე ადგილზეა.
ურბანიზაციის დონე 65,99 %-ია, რაც საშუალო საოლქო მაჩვენებელზე მაღალია. ქალაქის მცხოვრებთა რაოდენობა 58 342 ადამიანს შეადგენს. რაიონში ორი ქალაქია — კინგისეპი და ივანგოროდი. რაიონის მთლიანი მოსახლეობის დაახ. 62 % კინგისეპში ცხოვრობს. იგეგმება ახალი, 34,5 ათასიანი საპორტო ქალაქის მშენებლობა საზღვაო პორტ უსტ-ლუგას (სოფელი კრაკოლე) მიდამოებში.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.