დრამა — ფულისა და მასის ერთეულის სახელწოდება შუა საუკუნეების საქართველოში. ტერმინი შემოვიდა სასანიანთა ირანიდან, სადაც, თავის მხრივ, შესულია ბერძნულიდან. სხვადასხვა ეპოქაში სხვადასხვა ქართულ და უცხოურ მონეტებს აღნიშნავდა: სასანურს, ქართულ-სასანურს, არაბულს და XI-XII საუკუნეების ქართული ვერცხლის სრულნომინალიან მონეტებს. XII ს. 30-იანი წლებიდან 1230 წლამდე, „ვერცხლის კრიზისის" წლებში, დრამა ეწოდებოდა იძულებითი კურსის სწორი ჭედვის სპილენძის მონეტებს, 1230 წლიდან XVI ს-მდე კი კვლავ ვერცხლის მონეტებს აღნიშნავდა. ხმარებიდან გაქრა XVI საუკუნიდან.
დრამა მასის ერთეულად გამოიყენებოდა რუსული საზომი ერთეულის დამკვიდრებამდე (XIX საუკუნის 30-50-იან წლებში). XVII საუკუნემდე დრამა შეადგენდა 4 დანგს (დაახლოებით 2,97 გრამი), XVII-XVIII საუკუნეებში - 3,07 გრამი. დრამის წონის საფუძველზე თბილისში იჭრებოდა ერეკლე II-ის სირმა აბაზიანები.
ლიტერატურა
- ენციკლოპედია „თბილისი“, თბ., 2002. — გვ. 429, ISBN 99928-20-32-2.
- ჯაფარიძე გ., ენციკლოპედია „საქართველო“, ტ. 2, თბ., 2012. — გვ. ?.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.