![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Gelati_Monastery_Complex_fresque.jpg/640px-Gelati_Monastery_Complex_fresque.jpg&w=640&q=50)
ბაგრატ III (იმერეთის მეფე)
From Wikipedia, the free encyclopedia
ბაგრატ III (დ. 1495 — გ. 1565) — იმერეთის მეფე 1510-1565, ალექსანდრე II-ის ძე.
![](http://upload.wikimedia.org/wikipedia/commons/thumb/5/50/%E1%83%9E%E1%83%90%E1%83%9A%E1%83%98%E1%83%9B%E1%83%A4%E1%83%A1%E1%83%94%E1%83%A1%E1%83%A2%E1%83%98_1512_%E1%83%AC_%E1%83%98%E1%83%9B%E1%83%94%E1%83%A0%E1%83%94%E1%83%97%E1%83%98%E1%83%A1_%E1%83%9B%E1%83%94%E1%83%A4%E1%83%98%E1%83%A1_%E1%83%91%E1%83%90%E1%83%92%E1%83%A0%E1%83%90%E1%83%A2_%E1%83%9B%E1%83%94%E1%83%A1%E1%83%90%E1%83%9B%E1%83%98%E1%83%A1_%E1%83%9B%E1%83%98%E1%83%94%E1%83%A0_%E1%83%92%E1%83%90%E1%83%91%E1%83%94%E1%83%9A%E1%83%98%E1%83%AB%E1%83%94%E1%83%94%E1%83%91%E1%83%98%E1%83%A1%E1%83%90%E1%83%93%E1%83%9B%E1%83%98.jpg/220px-thumbnail.jpg)
![]() |
სხვა მნიშვნელობებისთვის იხილეთ ბაგრატ III. |
ბაგრატ III | |
---|---|
![]() ბაგრატ III-ის ფრესკა გელათის მონასტერში | |
იმერეთის მეფე | |
მმართ. დასაწყისი: | 1510 |
მმართ. დასასრული: | 1565 |
წინამორბედი: | ალექსანდრე II |
მემკვიდრე: | გიორგი II |
პირადი ცხოვრება | |
დაბ. თარიღი: | 1495 |
გარდ. თარიღი: | 1565 |
მეუღლე: | ელენე |
შვილები: |
გიორგი II თეიმურაზი ვახტანგი კონსტანტინე თამარი |
დინასტია: | ბაგრატიონები |
მამა: | ალექსანდრე II |
დედა: | თამარი |
ხელმოწერა: |
![]() |
ენერგიულად ებრძოდა ოსმალებს, ცდილობდა იმერეთის მთლიანობის შენარჩუნებას. „ტყვეთა სყიდვის“ წინააღმდეგ მოიწვია საეკლესიო კრება, რომელმაც ტყვის გამსყიდველთათვის სიკვდილით დასჯა დაადგინა. ბაგრატ III-ის თანხმობით 1533 წელს მამია I გურიელმა და მამია III დადიანმა ილაშქრეს ჯიქეთს, მაგრამ დამარცხდნენ. 1535 წელს მურჯახეთის ბრძოლაში ბაგრატ III-მ დაამარცხა ყვარყვარე III ჯაყელი, დაიკავა სამცხე და ათი წელი ფლობდა მას. 1543 წელს ყვარყვარეს შვილმა ქაიხოსრო II ჯაყელმა მოიშველია ოსმალთა ჯარი მუსტაფა ლალა-ფაშას მეთაურობით და ქარაღაქთან შეებრძოლა ბაგრატ III-ს, მაგრამ დამარცხდა. ამის შემდეგ სულთანმა უფრო მრავალრიცხოვანი ჯარი გამოგზავნა. სოხოისტის ბრძოლაში ბაგრატ III დამარცხდა. სამცხეში ოსმალებმა მოიკიდეს ფეხი. ამის შემდეგ ბაგრატ III-მ მთავრებს (დადიანი და გურიელი) შეუტია, მაგრამ ვერ შეძლო მათი დამორჩილება. 1548 წელს ბაგრატმა ლევან I დადიანი და როსტომ გურიელი სადარბაზოდ მიიწვია. გურიელი მას არ ეახლა, ხოლო დადიანი ბაგრატმა დააპატიმრა და გამოამწყვდია გელათის სამრეკლოში, საიდანაც იგი სამცხის ათაბაგის ქაიხოსრო III-ის ხელშეწყობით სამცხეში გაიპარა. ოდიშია და გურიის მთავრები სულთნის ვასალები გახდნენ. 1555 წელს ბაგრატ III-ც იძულებული გახდა სულთნისათვის ხარკის მიცემა ეკისრა.