ბორის ტრაიკოვსკი

ბორის ტრაიკოვსკი (მაკედ. Борис Трајковски; 25 ივნისი 1956, სტრუმიცა, მაკედონია — 26 თებერვალი 2004, მოსტარი, ბოსნია და ჰერცეგოვინა) — მაკედონიის პრეზიდენტი 1999–2004 წლებში.

ბორის ტრაიკოვსკი Борис Трајковски
მაკედონიის მე-2 პრეზიდენტი
თანამდებობაზე ყოფნის დრო
5 დეკემბერი, 1999 – 26 თებერვალი, 2004
წინამორბედი	კირო გლიგოროვი
მემკვიდრე	ბრანკო ცრვენკოვსკი
დაბადებული	25 ივნისი, 1956 სტრუმიცა, მაკედონია
გარდაცვლილი	26 თებერვალი, 2004 მოსტარი, ბოსნია და ჰერცეგოვინა
მეუღლე	ვილმა ტრაიკოვსკა
პროფესია	იურისტი
რელიგია	პროტესტანტიზმი

ბიოგრაფია

დაიბადა სოფელ მურტინოში, სტრუმიცასთან ახლოს, მეთოდისტების ოჯახში^[1][2]. 1980 წელს დაამთავრა სკოპიეს უნივერსიტეტის იურიდიული ფაკულტეტი. შემდეგ მუშაობდა აშშ-ში, სადაც დაოჯახდა და გახდა მეთოდისტი მღვდელი.

კარიერა

1997 წლამდე მუშაობდა სკოპიეს მერიაში. 1998–1999 წლებში საგარეო საქმეთა მინისტრის მოადგილეა. გადამწყვეტი როლი ითამაშა მოლაპარაკებებში, რომელიც ეხებოდა კოსოვოდან ალბანელი ლტოლვილების მაკედონიის ტერიტორიაზე განსახლებას. 1999 წლის 5 დეკემბერს საპრეზიდენტო არჩევნების მეორე ტურში პრეზიდენტად აირჩიეს.

გარდაცვალება

2004 წლის 26 თებერვალს პრეზიდენტის თვითმფრინავმა, რომლითაც ბორის ტრაიკოვსკი საერთაშორისო კონფერენციაზე მიფრინავდა, ბოსნია და ჰერცეგოვინის ქალაქ მოსტარის მახლობლად ჰრგუდის მთის კალთებზე, ავიაკატასტროფა განიცადა. მასთან ერთად თვითმფრინავში იმყოფებოდა ადმინისტრაციის რამდენიმე თანამშრომელი.

რესურსები ინტერნეტში

ვიკისაწყობში არის გვერდი თემაზე:

ბორის ტრაიკოვსკი

• Official website of the President of Macedonia დაარქივებული 2016-05-22 საიტზე Portuguese Web ArchiveCategory:Webarchive template other archives
• The Boris Trajkovski International Foundation
• The Evangelical Methodist Church of Macedonia დაარქივებული 2014-04-28 საიტზე Wayback Machine.
• Ley Hill Methodist Church website – see their History page დაარქივებული 2007-07-12 საიტზე Wayback Machine.