Speak to Me

„Speak to Me“ — პირველი კომპოზიცია ინგლისური პროგრესული როკ-ჯგუფ პინკ ფლოიდის ალბომზე The Dark Side of the Moon,^[1][2] რომელიც ლოგიკურად უერთდება შემდეგ კომპოზიციას, „Breathe“. ხმების ამ კოლაჟის ერთადერთ ავტორად დასახელებულია ნიკ მეისონი, რომელსაც ავტორობა სიმბოლურად მიანიჭეს.

„Speak to Me“
ინსტრუმენტული — პინკ ფლოიდი
ალბომიდან The Dark Side of the Moon
ენა	ინგლისური
გამოსვლის თარიღი	17 მარტი, 1973
ჩაიწერა	ივნისი 1972 - იანვარი 1973
ჟანრი	პროგრესული როკი
ხანგრძლივობა	1:30
ხმისჩამწერი ლეიბლი	EMI
ავტორ(ებ)ი	ნიკ მეისონი
The Dark Side of the Moon – სიმღერები
10 სიმღერა მხარე 1 „Speak to Me“ „Breathe“ „On the Run“ „Time“ „The Great Gig in the Sky“ მხარე 2 „Money“ „Us and Them“ „Any Colour You Like“ „Brain Damage“ „Eclipse“

ისტორია

კომპოზიციაში არ არის ნამღერი ტექსტი. ნომერს იწყებს გულისცემის ხმა, იგივე, რაც ალბომის ეპილოგშია. აგრეთვე ისმის საათების წკარუნი, პიტერ უოტსის სიცილი, სალაროს აპარატების ხმაური, ვერტმფრენის ხმა და კლერ ტორის ვოკალი „The Great Gig in the Sky“-დან.

როჯერ უოტერსი:

ვიფიქრე, რომ ალბომს სჭირდებოდა შესავლის მსგავსი რამ და ვატარებდი ექსპერიმენტებს გულისცემაზე, სხვა ხმოვან ეფექტებსა და კლერ ტორის კივილზე, სანამ კარგი შედეგი არ მივიღე.

უოტერსი ხშირად ამბობდა, რომ კომპოზიციის ავტორობა ნიკ მეისონს აჩუქა - რასაც დევიდ გილმორი ადასტურებს. ითვლება, რომ ხმების კოლაჟის ფორმის შესავლის იდეა სათავეს იღებდა 1970 წლიდან - როდესაც „ზაბრისკი პოინტი“ მუსიკა იწერებოდა. მეორე ვერსიით, აქ გამოყენებულია ფილმის „Pink Floyd: Live at Pompeii“ დასაწყისში გაჟღერებული ხმოვანი შესავლის გადამუშავებული ვარიანტი.

ალბომის ჩაწერისას (და ამ შესავლის მონტაჟში) გამოყენებულია უოტერსის მიერ ქაღალდის ბარათებზე დაწერილი კითხვები - „უკანასკნელად როდის დაარტყით ვინმეს?“. სახელწოდება აღებულია იმ ფრაზის მიხედვით, რომელსაც ხმის ინჟინერი ალან პარსონსი იმეორებდა, როდესაც სააპარატო ოთახიდან სხვა ოთახში მიკროფონებს ამოწმებდა.

ხმის ეფექტები

აღსანიშნავია შემდეგი ხმის ეფექტები:

• გულისცემა - სიმღერიდან „Eclipse“
• საათის ხმა, სიმღერიდან „Time“
• მანიაკალური სიცილი; სიმღერიდან „Brain Damage“
• სალაროს ხმაური, ფულის ხმით; სიმღერიდან „Money“
• ვერტმფრენის ხმა; სიმღერიდან „On the Run“
• კივილი სიმღერიდან „The Great Gig in the Sky“
• სინთეზატორის ხმა; გადადის კომპოზიციაში „Breathe“

ალბომის The Dark Side Of The Moon 1972 წლის ორიგინალური მიქსი (შეტანილი Immersion გამოცემაში), რომლის გამოცემაც თავდაპირველად დაგეგმილი იყო, იწყება ამ კომპოზიციის გარეშე, მუსიკალური აკორდით, რომელსაც პირდაპირ უერთდება „Breathe“.

საკონცერტო ვერსიები

საკონცერტო გამოსვლების დროს ნომერი იწყებოდა, როდესაც დარბაზში განათება ჯერ კიდევ ჩართული იყო და მაყურებელი ადგილებს იკავებდა. ხმოვანი კოლაჟი სრულდებოდა როგორც ჯგუფის, აგრეთვე დევიდ გილმორის და როჯერ უოტერსის კონცერტებზეც. მან აგრეთვე გახსნა ჯგუფის 2005 წლის გამოსვლა Live 8-ზე. ჯგუფმა ნომერი შეიტანა 1994 წლის კონცერტების პროგრამაშიც, სადაც იგი უფრო ვრცელი სახით იყო წარმოდგენილი.

კონცერტებზე კომპოზიციის შესრულებისას პინკ ფლოიდი იყენებდა სხვადასხვა პროექციებს. 1974 წელს ბრიტანულ ტურნეში აჩვენებდნენ პულსირებას. მას მოჰყვებოდა დედამიწის გამოსახულება, რომელსაც კამერა უახლოვდებოდა. ოდნავ გადამუშავებული მსგავსი პროექცია გამოჩნდა იმავე წლის ფრანგული ტურნეს მსვლელობისას. 1975 წლის ჩრდილოეთ ამერიკულ ტურნეში კომპოზიცია იწყებოდა სასწრაფო დახმარების მანქანით, რომელიც კამერას უახლოვდებოდა. შემდეგ ჩნდებოდა ჰოსპიტალის კაბინეტი, თვალი (რომლის გამოსახულება მეორდებოდა მთელი შოუს მსვლელობისას), პულსირება და დედამიწა, აგრეთვე ანიმაციური სფერო, რომელიც პულსირებდა.

სქოლიო

1. სტრონგი, მარტინ ჩ. (2004). The Great Rock Discography, მეშვიდე, ედინბურგი: Canongate Books, გვ. 1177. ISBN 1-84195-551-5.
2. მებეტი, ენდი (1995). The Complete Guide to the Music of Pink Floyd. ლონდონი: Omnibus Press. ISBN 0-7119-4301-X.