ჰენრი მარი

ჰენრი მარი (ინგლ. Henry Alexander Murray; დ. 13 მაისი, 1893 — გ. 23 ივნისი, 1988) — ამერიკელი ფსიქოლოგი. 30 წელზე მეტი ასწავლიდა ჰარვარდის უნივერსიტეტში. იყო ჰარვარდის ფსიქოლოგიური კლინიკის დირექტორი ხელოვნებისა და მეცნიერების სკოლაში. 1930 წლის შემდეგ თანამშრომლობდა სტენლი კობთან, რომელთანაც ერთად ცდილობდა ფსიქოანალიზის შეტანას ჰარვარდის პროგრამაში.

ჰენრი მარი
დაბ. თარიღი	13 მაისი, 1893(1893-05-13)[1] [2] [3] [4] [5]
დაბ. ადგილი	ნიუ-იორკი[6]
გარდ. თარიღი	23 ივნისი, 1988(1988-06-23)[1] [2] [4] [5] (95 წლის)
გარდ. ადგილი	კემბრიჯი
მოქალაქეობა	აშშ
საქმიანობა	ფსიქოლოგი და უნივერსიტეტის პროფესორი
მუშაობის ადგილი	ჰარვარდის უნივერსიტეტი
ალმა-მატერი	ჰარვარდის უნივერსიტეტი, კოლუმბიის უნივერსიტეტის საექიმო-ქირურგიული კოლეჯი, კოლუმბიის უნივერსიტეტი[7] და კემბრიჯის უნივერსიტეტი[7]
მეუღლე	Josephine Lee Rantoul და Caroline Fish Chandler
დედა	Fanny Morris Babcock[3]
შვილ(ებ)ი	Josephine Lee Murray[3]
ჯილდოები	ამერიკის ფსიქოლოგთა ასოციაციის ჯილდო ფსიქოლოგიაში შეტანილი მნიშვნელოვანი სამეცნიერო წვლილი[8] , Bruno Klopfer Award[9] , Honorary Fellow of the British Psychological Society და Kenneth D. Herman, Ph.D., J.D. Career Contribution Award[10]
ხელმოწერა

ბიოგრაფია

ჰენრი მარი დაიბადა 1893 წლის 13 მაისს, ნიუ-იორკში შეძლებულ ოჯახში. მას ჰყავდა უფროსი და და უმცროსი ძმა. განსხვავებით დედისაგან მას მამასთან კარგი ურთიერთობა ჰქონდა. მარი თავდაპირველად გროტონის დაწყებით სკოლაში სწავლობდა, 1911-1915 წლებში ჰარვარდის კოლეჯში, სადაც მისი ძირითადი საგანი ისტორია იყო. ის მონდომებით არ სწავლობდა, თუმცა ამის კომპენსაციას ფეხბურთში, ნაოსნობასა და ბოქსში ახდენდა. 1916 წელს იქორწინა ჯოზეფინ რანტოულზე; ჰყავდათ ერთი ქალიშვილი. 1919 წელს დაამთავრა კოლუმბიის კოლეჯი და სამედიცინო ხარისხი მიიღო; ის ერთ-ერთ საუკეთესო სტუდენტად ითვლებოდა. ასევე მიიღო ბიოლოგიის მაგისტრის ხარისხი კოლუმბიაში. ამის შემდეგ ის ჰარვარდში ასწავლიდა ფიზიოლოგიას. 1927 წელს კი ბიოქიმიის დოქტორის ხარისხი მიენიჭა კემბრიჯის უნვერსიტეტში.

მარიმ და კობმა 1931 წლის შემდეგ დააარსეს ბოსტონის ფსიქოანალიტიკური ასოციაცია, თუმცა ისინი გამორიცხეს ჯგუფიდან პოლიტიკური მოტივების გამო. ჰენრი მარიმ შექმნა პიროვნების თეორია „პერსონოლოგია“ დაფუძნებული მოთხოვნილებებსა და პრესებზე. ის იყო თემატური აპერცეპციის ტესტის თანადამაარსებელი კრისტინა მორგანთან ერთად. თემატური აპერცეპციის ტესტი იყო ყველაზე კარგად გაყიდვადი მათ შორის, რაც ჰარვარდს ოდესმე გამოუქვეყნებია, ჰარვარდის მუსიკის სახელმძღვანელოს შემდეგ.

30 წლის ასაკში მარის ცხოვრებაში გარდატეხა მოხდა. 7 წლიანი ქორწინების შემდეგ მას შეუყვარდა კრისტიანა მორგანი, მაგრამ განიცდიდა სერიოზულ კონფლიქტს რადგან არ უნდოდა მეუღლის მიტოვება. მორგანი იყო ის პიროვნება, რომელიც მოხიბლული იყო კარლ იუნგის ფსიქოლოოგიით და ამის შედეგად მარი შეხვდა კარლ იუნგსს შვეიცარიაში. იუნგმა მასზე დიდი შთაბეჭდილება მოახდინა და დაინტერესდა ფსიქოლოგიითა და ფსიქოთერაპიით.

• 1927 წელს, 33 წლის ასაკში იგი გახდა ჰარვარდის ფსიქოლოგიურ კლინიკის დირექტორის ასისტენტი.
• 1935 წელს მან ქრისტიანა მორგანთა ერთად შექმნა თემატური აპერცეპციის ტესტი.
• 1937 წელს მარი გახდა ჰარვარდის პსიქოლოგიური კლინიკის დირექტორი
• 1938 გამოაქვეყნა წიგნი „პიროვნების კვლევა“, რომელიც მოიცავს თემატური აპერცეპციის ტესტის აღწერას
• 1943 წლის ოქტომბერში მარეიმ დაასრულა ადოლფ ჰიტლერის ფსიქოლოგიური კვლევა, სახელწოდებით „ადოლფ ჰიტლერის პიროვნების ანალიზი“.
• 1945 წელს მარიმ დატოვა ჰარვარდში დაკავებული თანამდებობა.
• 1948 წელს ის დაბრუნდა ჰარვარდში სოციალურ ურთიერთობების ლექტორის პოზიციაზე.
• 1950 წელს მარეიმ ჰარვარდში პროფესორის თანამდებობა დაიკავა და 1962 წლამდე ამ თანამდებობაზე იყო.

ჰენრი მარეი გარდაიცვალა 1988 წლის 23 ივნისს.

ლიტერატურა

• Runyan, W.M. (2008). New dictionary of scientific biography. Cambridge:Sage

სქოლიო

1. Encyclopædia Britannica

   <a href='https://wikidata.org/wiki/Track:Q5375741'></a>
2. SNAC — 2010.

   <a href='https://wikidata.org/wiki/Track:Q29861311'></a>
3. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
4. ბროკჰაუზის ენციკლოპედია

   <a href='https://wikidata.org/wiki/Track:Q237227'></a>
5. Педагоги и психологи мира — 2012.

   <a href='https://wikidata.org/wiki/Track:Q126722605'></a>
6. Deutsche Nationalbibliothek Record #118785427 // ინტეგრირებული ნორმატიული ფაილი — 2012—2016.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
7. Mathematics Genealogy Project — 1997.

   <a href='https://wikidata.org/wiki/Track:Q829984'></a>
8. https://www.apa.org/about/awards/scientific-contributions?tab=3
9. https://www.personality.org/bruno-klopfer-award
10. https://www.masspsych.org/page/MPAAwards