ფრედერიკ IV (ჰოლშტაინ-გოტორპის ჰერცოგი)
From Wikipedia, the free encyclopedia
From Wikipedia, the free encyclopedia
ფრედერიკ IV (დან. Frederik 4.; დ. 18 ოქტომბერი, 1671 — გ. 19 ივლისი, 1702) — ოლდენბურგთა დინასტიის წარმომადგენელი. ჰოლშტაინ-გოტორპის ჰერცოგ კრისტიან ალბერტისა და ფრედერიკა ამალია დანიელის ვაჟი. ჰოლშტაინ-გოტორპის ჰერცოგი 1695-1702 წლებში. რუსეთის იმპერატორ პეტრე III-ის ბაბუა.
ფრედერიკ IV | |
---|---|
წოდებები
ჰოლშტაინ-გოტორპის ჰერცოგი | |
დაიბადა | 18 ოქტომბერი, 1671 |
გარდაიცვალა | 19 ივლისი, 1702, (30 წლის) |
საგვარეულო | ოლდენბურგები |
მეუღლე(ები) | ჰედვიგ სოფია შვედი |
შვილ(ებ)ი | კარლ ფრედერიკი, ჰოლშტაინ-გოტორპის ჰერცოგი |
მამა | კრისტიან ალბერტი, ჰოლშტაინ-გოტორპის ჰერცოგი |
დედა | ფრედერიკა ამალია დანიელი |
რელიგია | ლუთერანიზმი |
ფრედერიკი დაიბადა 1671 წლის 18 ოქტომბერს გოტორპში. იგი იყო ჰოლშტაინ-გოტორპის ჰერცოგ კრისტიან ალბერტისა და მისი ცოლის, ფრედერიკა ამალია დანიელის პირველი შვილი. 1698 წლის 12 მაისს იგი დააქორწინეს ჰედვიგ სოფია შვედზე, რომელთანაც მხოლოდ ერთი ვაჟი შეეძინა — კარლ ფრედერიკი, რომელიც შემდგომში რუსეთის იმპერატორ პეტრე I-ის ასულ ანა პეტროვნაზე დაქორწინდა და სათავე დაუდო რომანოვების დინასტიას.
იგი ჩაბმული იყო ჩრდილოეთის ომში, რა დროსაც მონაწილეობა მიიღო პოლონელებთან გამართულ კლიშოვის ბრძოლაში.
აღსანიშნავია, რომ იგი დასაქორწინებლად სტოკჰოლმში ჩავიდა. მისი მეუღლე, ჰედვიგ სოფია მას ორმხრივ ბიძაშვილად ერგებოდა, რადგან მამამისი, მეფე კარლ XI ფრედერიკის მამიდაშვილი, ხოლო დედამისი, დედოფალი ულრიკა ელეონორა დანიელი ფრედერიკის დეიდა იყო. ფრედერიკი თავის ცოლის ძმას, მეფე კარლ XII-ს მალე დაუახლოვდა და ცნობილია, რომ ისინი ხშირად ერთად სვამდნენ. 1699 წელს, კარლ XII-მ დაიცვა ჰოლშტაინ-გოტორპის დანიელთა შემოჭრისაგან. ფრედერიკ IV 1702 წელს, 30 წლის ასაკში გარდაიცვალა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.