მიხალ ბილეკი

მიხალ ბილეკი (ჩეხ. Michal Bílek; დ.13 აპრილი, 1965, პრაღა) — ჩეხი მწვრთნელი და ყოფილი ფეხბურთელი, პოციზიით მარჯვენა ნახევარმცველი. 2014 წლის ივნისში დაინიშნა თბილისის „დინამოს“ თავკაცად,^[1] თუმცა ევროტურნირებზე მისი ხელმძღვანელობით გუნდის ცუდად გამოსვლის შემდეგ „დინამო“ დატოვა, მისი ადგილი კახაბერ გოგიჩაიშვილმა დაიკავა.

მიხალ ბილეკი

პირადი მონაცემები
სრული სახელი	მიხალ ბილეკი
დაბადების თარიღი	13 აპრილი, 1965 (1965-04-13) (59 წლის)
დაბადების ადგილი	პრაღა, ჩეხოსლოვაკია
სიმაღლე	177 სმ
სათამაშო პოზიცია	ნახევარმცველი
ახალგაზრდული კარიერა
1973–1982	სპარტა პრაღა
პროფესიონალური კარიერა*
წლები	გუნდი	მატჩი	(გოლი)
1982–1983	სპარტა პრაღა	13	(0)
1984–1985	უნიონი ხები	50	(4)
1986–1990	სპარტა პრაღა	135	(32)
1990–1992	რეალ ბეტისი	59	(11)
1992–1993	სპარტა პრაღა	28	(5)
1993–1996	ვიქტორია ჟიჟკოვი	91	(20)
1996–1998	სპარტა პრაღა	15	(1)
1998–2000	ტეპლიცე	76	(11)
სულ		467	(84)
ეროვნული ნაკრები
1987–1992	ჩეხოსლოვაკია	32	(11)
1992–1995	ჩეხეთი	3	(0)
სამწვრთნელო კარიერა
2001	ტეპლიცე
2001–2002	კატარხინესი
2002–2003	ჩეხეთი 19 წლ.
2003–2006	ხმელი ბლშანი
2006	ვიქტორია პლზენი
2006–2008	სპარტა პრაღა
2008–2009	რუჟომბეროკი
2009–2013	ჩეხეთი
2014	დინამო თბილისი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

კარიერა

საკლუბო

მიხაილ ბილეკის კარიერის ძირითადი ნაწილი უკავშირდება პრაღის „სპარტას“, სადაც მან ოთხი ცალკეული პერიოდის მანძილზე ითამაშა. მისი დებიუტი მშობლიურ კლუბში შედგა 17 წლის ასაკში. 1984 წელს გადავიდა „ხებში“, სადაც ერთი სეზონის მანძილზე 50 მატჩი ჩაატარა და 4 გოლი გაიტანა. 1985 წელს დაბრუნდა „სპარტაში“, საიდანაც 1990 წელს ესპანურ „რეალ ბეტისში“ გადავიდა, ეს იყო მისი პირველი ტრანსფერი უცხოურ კლუბში. იმის გამო, რომ „ბეტისი“ პრიმერა დივიზიონიდან დაქვეითდა, ბილეკი ისევ ჩეხეთში დაბრუნდა და „სპარტას“ გარდა ითამაშა ორ ჩეხურ კლუბში, ჟიჟკოვის „ვიქტორიაში“ და „ტეპლიცეში“. ამ უკანასკნელში 2000 წელს კარიერა დაასრულა.

სანაკრებო

ჩეხოსლოვაკიის ეროვნულ ნაკრებში პირველად 27 წლის ასაკში გამოიძახეს. მისი დებიუტი 1987 წლის 27 ოქტომბერს ბრატისლავაში შედგა პოლონეთის წინააღმდეგ, მატჩი ჩეხოსლოვაკიის გამარჯებით დასრულდა (3-1). მონაწილეობა მიიღო 1990 წლის მსოფლიო საფეხბურთო ჩემპიონატის გათამაშებაში. 2 გოლის გატანა შეძლო მეოთხედფინალებში. 1992 წლიდან იყო დამოუკიდებელი ჩეხეთის ეროვნული ნაკრების წევრი, რომელთან ერთადაც 3 მატჩი ჩაატარა უგოლოდ, მისი ბოლო მატჩი იყო 1995 წლის 29 მარტს, ბელარუსის წინააღმდეგ.

სამწვრთნელო

სამწვრთნელო კარიერა დაიწყო „ტეპლიცეში“ 2001 წელს, იმავე წელს გადავიდა კოსტა-რიკის კლუბ „კატარხინესში“, 2002 წელს დაბრუნდა სამშობლოში და წვრთნიდა ჩეხეთის 19 წლამდე ფეხბურთელთა ნაკრებს.^[2][3] შემდეგ იყო ორი ჩეხური კლუბი, ბლშანის „ხმელი“, პლზენის „ვიქტორია“. 2006 წელს ბილეკმა შეცვალა პრაღის „სპარტას“ თავკაცი სტანისლავ გრიგა^[4] და პირველივე სეზონში გუნდთან ერთად შეძლო გამბრინუს ლიგის ჩემპიონის ტიტულის მოპოვება, შემდეგ სეზონში კი მეორე ადგილის დაკავება. 2008 წლის მაისში ბილეკმა „სპარტა“ დატოვა^[5] და სლოვაკურ „რუჟომბეროკს“ ჩაუდგა სათავეში. 2009 წლის ოქტომბერში მიხალ ბილეკი დაინიშნა ჩეხეთის ეროვნული ნაკრების მწვრთნელად. მან ივან ჰაშეკი შეცვალა, რომელმაც 2010 წლის მსოფლიოს თასის საკვალიფიკაციო ეტაპზე მარცხი განიცადა. ბილეკის თავკაცობის ჩეხეთის ნაკრებმა შეძლო ევრო 2012-ის მეოთხედფინალამდე გასვლა, სადაც მინიმალური ანგარიშით (1-0) დამარცხდა პორტუგალიასთან.^[6] 4 წლიანი მუშაობის შემდეგ, 2013 წლის სექტემბერში მისი ადგილი იოსეფ პეშიცემ დაიკავა.^[7]

მიხალ ბილეკი და რომან ფიფია

2014 წლის ივნისში ბილეკმა ხელი მოაწერა ერთ წლიან კონტრაქტს თბილისის „დინამოსთან“.^[8][9] 2013-14 წლების სეზონის პირველი ნახევარი „დინამოს“ თავკაცი ბილეკის თანამემამულე დუშან უჰრინი უმცროსი იყო, მეორე ნახევარი კი მალხაზ ჟვანია. 6 ივნისს კლუბის პრეზიდენტმა, რომან ფიფიამ დინამო არენის მედია დარბაზში ბილეკი წარადგინა კლუბის ახალ დირექტორ ირაკლი ზუხბაიასთან ერთად,^[10][11] 7 ივნისს კი ანდრო ჟორდანიას სახელობის „დინამოს“ საწვრთნელ ბაზაზე პირველი ვარჯიში გამართა.^[12] 30 ივლისს ბილეკმა თანამდებობა დატოვა.

ტიტულები

მოთამაშის

• ჩეხოსლოვაკიის ჩემპიონი (4): 1987, 1988, 1989, 1993
• ჩეხოსლოვაკიის თასის მფლობელი (2): 1988, 1989
• ჩეხეთის თასის მფლობელი (2): 1993, 1994
• ჩეხოსლოვაკიის წლის ფეხბურთელი (1): 1989

მწვრთნელის

• ჩეხეთის ჩემპიონი (1): 2006/2007
• ჩეხეთის თასის მფლობელი (1): 2006/2007, 2007/2008
• ევროპის 19 წლამდე ფეხბურთელთა ჩემპიონატი მესამე ადგილი (1): 2003

რესურსები ინტერნეტში

• პროფილი Soccerway-ზე მოთამაშის, მწვრთნელის (ინგლისური)
• პროფილი Transfermarkt-ზე მოთამაშის, მწვრთნელის (ინგლისური)
• სანაკრებო სტატისტიკა ჩეხეთის ფეხბურთის ფედერაციის ოფიციალურ საიტზე დაარქივებული 2012-05-29 საიტზე Wayback Machine. (ჩეხური)
• პროფილი დინამოს ოფიციალურ საიტზე (ქართული ენა)

სქოლიო

1. დინამოს მწვრთნელად მიხალ ბილეკი დაინიშნა, „დინამოს“ ოფიციალური საიტი, 2 ივნისი, 2014.
2. Hard work the key, says Bílek
3. Hašek passes Czech mantle to Bílek
4. „Griga skončil, Spartu bude trénovat Bílek“ (ჩეხური). idnes.cz. 31 აგვისტო 2006. ციტირების თარიღი: 10 თებერვალი 2012.
5. „Bílek ve Spartě skončil hned, nahradil ho Chovanec“ (ჩეხური). idnes.cz. 11 მაისი 2008. ციტირების თარიღი: 10 თებერვალი 2012.
6. ინფორმაცია მატჩის შესახებ Soccerway-ზე, ჩეხეთი 0:1 პორტუგალია
7. Místo Bílka bude reprezentaci dočasně trénovat Pešice. Nebude to sranda, míní Cipro. Hospodářské noviny (13 სექტემბერი 2013). დაარქივებულია ორიგინალიდან — 2013-10-22. ციტირების თარიღი: 19 ოქტომბერი 2013.
8. რომან ფიფია: დიახ, „დინამოში“ მიხალ ბილეკის დანიშვნა გადაწყვეტილია დაარქივებული 2014-08-14 საიტზე Wayback Machine. ,საინფორმაციო სააგენტო „http://sportall.ge/“%5B%5D, 2 ივნისი, 2014.
9. თბილისის „დინამოს“ მწვრთნელად მიხალ ბილეკი დაინიშნა ^{[მკვდარი ბმული]},საინფორმაციო სააგენტო „http://goal.ge/, 2 ივნისი, 2014.
10. დინამოს ახალი მთავარი მწვრთნელი და ახალი დირექტორი ჰყავს, „დინამოს“ ოფიციალური საიტი, 6 ივნისი, 2014.
11. "ყველაფერს გავაკეთებთ იმისთვის, რომ ჩემპიონთა ლიგაზე წარმატებას მივაღწიოთ" დაარქივებული 2014-07-04 საიტზე Wayback Machine. ,საინფორმაციო სააგენტო „http://sportall.ge/“%5B%5D, 6 ივნისი, 2014.
12. პირველი ვარჯიში მიხალ ბილეკის ხელმძღვანელობით, „დინამოს“ ოფიციალური საიტი, 7 ივნისი, 2014.