გოგი მეშველიანი (დ. 30 ნოემბერი, 1971) — ქართველი პოლიტიკოსი და ფინანსისტი. საქართველოს 2 მოწვევის (2016, 2020) პარლამენტის წევრი.
| გოგი მეშველიანი | |
|---|---|
| დაბადების თარიღი | 30 ნოემბერი, 1971 |
| დაბადების ადგილი | ბოლნისი, საქართველოს სსრ, სსრკ [1] |
| მოქალაქეობა |
 სსრკ →  საქართველო |
| განათლება | თსუ |
| ეროვნება | ქართველი |
| რელიგია | მართლმადიდებელი ქრისტიანი |
| პარტია | ქართული ოცნება |
| საქმიანობა | ფინანსისტი, პოლიტიკოსი |
გოგი მეშველიანი დაიბადა 1971 წლის 30 ნოემბერს. 1995 წელს დაამთავრა თბილისის სახელმწიფო უნივერსიტეტის ფინანსებისა და კრედიტების ფაკულტეტი.
1991-1994 წლებში იგი იყო საქართველოს რესპუბლიკის გვარდიის ოფიცერი, 1994-1995 წლებში კი საქართველოს ახალგაზრდობის საქმეთა სახელმწიფო დეპარტამენტის რწმუნებული. 1995-1996 წლებში საქართველოს პარლამენტის ერთ-ერთი წევრის ბიუროს უფროსი. 1996-1997 წლებში იგი იყო ბოლნისის რაიონის გამგეობის ეკონომიკური სამსახურის უფროსის მოადგილე. 1997-2001 წლებში იკავებდა სახელმწიფო საგადასახადო ინსპექციის უფროსის თანამდებობას. 2001-2003 წლებში იყო საქართველოს შემოსავლების სამინისტროს მარნეულის ზონალური საგადასახადო ინსპექციის უფროსი. 2005-2014 წლებში იკავებდა გაეროს ლტოლვილთა საქმეების უმაღლესი კომისარიატისა და საქართველოს ლტოლვილთა და განსახლების სამინისტროს ერთობლივი პროექტის კოორდინატორის თანამდებობას. 2014-2016 წლებში იყო ბოლნისის მუნიციპალიტეტის გამგებელი, 2016-2020 წლებში იყო საქართველოს მე-9 მოწვევის პარლამენტის წევრი (ბოლნისის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. ფრაქციის „ქართული ოცნება — რეგიონების განვითარებისთვის“ თავმჯდომარის მოადგილე. მაჟორიტარულ არჩევნებში ხმათა 52,12% მიიღო (11 066 ხმა).[2]
2020 წლიდან არის საქართველოს მე-10 მოწვევის პარლამენტის წევრი (ბოლნისის, დმანისის, წალკისა და თეთრიწყაროს მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.[3] მხარი დაუჭირა კანონპროექტს „უცხოური გავლენის გამჭვირვალობის შესახებ“.[4]
- გოგი მეშველიანი — საქართველოს ბიოგრაფიული ლექსიკონი
- გოგი მეშველიანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
- გოგი მეშველიანი დაარქივებული 2019-03-30 საიტზე Wayback Machine. — ქართული ოცნების საიტი
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
