ალეპო
From Wikipedia, the free encyclopedia
ალეპო, ჰალაბი (არაბ. حلب) — ქალაქი ჩრდილოეთ სირიაში. იგი ქვეყნის ყველაზე დიდი ქალაქია როგორც მოსახლეობით, ისე ფართობით. მოსახლეობის რაოდენობის მხრივ მას ლევანტში პირველი ადგილი უკავია,[1] 2011 წლის მონაცემებით, მოსახლეობა 2 100 000 ადამიანს შეადგენდა. ქალაქი ალეპოს მუჰაფაზის ადმინისტრაციული ცენტრია, რომელიც 4 507 000 მცხოვრებით (2009) მოსახლეობის რამდენობის მხრივ პირველია სირიაში.[2]
| ქალაქი | |
|---|---|
|
ალეპო حلب | |
 | |
| ქვეყანა | სირია |
| რეგიონი | ალეპო |
| კოორდინატები | 36°13′00″ ჩ. გ. 37°10′00″ ა. გ. |
| დაარსდა | ძვ. წ.5 ათასწლეული |
| პირველი ხსენება | 2500 BCE |
| ადრეული სახელები | ჰალმანი, ბეროია |
| ფართობი | 190 კმ² |
| ცენტრის სიმაღლე | 390 მ |
| ოფიციალური ენა | არაბული ენა |
| მოსახლეობა | 2,181,061 კაცი (2004) |
| აგლომერაცია | 2,490,751 |
| სასაათო სარტყელი | UTC+2, ზაფხულში UTC+3 |
| სატელეფონო კოდი | 021 |
| ოფიციალური საიტი | https://aleppo.gov.sy |
 | |
 |
მსოფლიო მემკვიდრეობა UNESCO, ობიექტი № 21 ინგლ. • რუს. • ფრ. |
ისტორია
ალეპო მსოფლის ერთ-ერთი უძველესი ქალაქია; პირველი დასახლება აქ ჯერ კიდევ ჩვენს წელთაღრიცხვამდე 4 000 წელს გაჩნდა. ქალაქში აღმოჩენილია უძველესი დასახლებები და საცხოვრებლები. ალეპოს უძველესი დროიდან სტრატეგიულად ხელსაყრელი ადგილი ეკავა, აქ გადიოდა სავაჭრო გზები. ამ სავაჭრო გზებით ხდებოდა დაკავშირება ხმელთაშუა ზღვასთან, ეგვიპტესთან და შუამდინარეთთან. თავდაპირველად, ალეპო მცირე გორაკზე აშენდა, ციხესიმაგრის მიდამოებში დაარსდა.[3] ქალაქში მიედინება პატარა მდინარე ქუვექი (قويق).
საუკუნეთა განმავლობაში, დასახლება დიდი სირიის უმნიშვნელოვანეს ქალაქად იქცა, XIX საუკუნისთვის კი ეს ტერიტორია უკვე ოსმალეთის იმპერიის შემადგენლობაში მოექცა. ალეპოს მთელ იმპერიაში მოსახლეობის მხრივ მესამე ადგილი ეკავა კონსტანტინოპოლისა და კაიროს შემდეგ. ქალაქში დღემდე შენარჩუნებულია ძველი არქიტექტურა.
ალეპოს ტერიტორიაზე უძველესი დროიდან გადიოდა აბრეშუმის დიდი გზა, რაც ხელს უწყობდა ვაჭრობის კიდევ უფრო განვითარებას. მას შემდეგ, რაც 1869 წელს სუეცის არხის გაიხსნა, ალეპოს სავაჭრო დანიშნულება მკვეთრად შემცირდა. ქალაქი დიდ როლს ასრულებდა პირველ მსოფლიო ომში.
იუნესკომ ალეპო მსოფლიო მემკვიდრეობად აღიარა; აქტიურად მიმდინარეობდა ძველი კულტურული ძეგლების აღდგენის პროცესი.
დაძმობილებული ქალაქები
ლიტერატურა
- ქართული საბჭოთა ენციკლოპედია, ტ. 11, თბ., 1987. — გვ. 593.
სქოლიო
Wikiwand - on
Seamless Wikipedia browsing. On steroids.