![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0e/Umbrella_Corporation_logo.svg/langka-640px-Umbrella_Corporation_logo.svg.png&w=640&q=50)
Umbrella
From Wikipedia, the free encyclopedia
Umbrella Corporation (ინგლ. ქოლგა) — გამოგონილი სამხედრო და ფარმაცევტული კორპორაცია, რომელიც თამაშობს გადამწყვეტ როლს „Resident Evil“-ის ვიდეო თამაშებისა და კინოფილმების სერიაში. სიუჟეტზე დაყრდნობით, კორპორაცია წარმოადგენს ევროპაში ბაზირებულ ერთ-ერთ უდიდეს ფარმაცევტულ კონგლომერატს. „ამბრელამ“ ოფიციალურად შეიმუშავა სამკურნალო წამლების ფართო სპექტრი, კოსმეტიკური და, ასევე საკვები პროდუქტები. „Umbrella“ თავის თავში მოიცავს რამდენიმე კარგად დაცულ და შენიღბულ ბაზებს, ხომალდებს და საკუთარ ხელოვნურ თანამგზავრებს. ამას გარდა, კომპანია დაკავებული იყო ბიოლოგიური იარაღის შექმნით და წარმატებით ჰყიდდა ტერორისტულ და სამთავრობო ორგანიზაციებზე, რაც წარმოადგენდა კორპორაციის შემოსავლის ძირითად წყაროს. მან თავისი კვლევების ფარგლებში შეიმუშავა სამი განსაკუთრებით საშიში მუტაგენური ვირუსი: T-ვირუსი, G-ვირუსი და T-ვერონიკა. ერთ-ერთი კვლევის დროს მოხდა ავარია და ვირუსის გაჟონვა, რამაც ქალაქ რაკუნ-სიტის მოსახლეობა აქცია სისხლის მსმელ ზომბებად და მათი უმეტესი ნაწილი განადგურდა. საბოლოოდ მთავრობამ ქალაქის აფეთქების ბრძანება გასცა.
„ამბრელას“ ლოგო შედგება რვაკუთხედისგან და მოიცავს წითელ და თეთრ ფერებს, რაც მოგვაგონებს გახსნილ ქოლგას. ასევე წითელი სეგმეტების ერთობლიობა წარმოადგენს მალტის ჯვარს — მალტის ორდენის (ჰოსპიტალიერების) რაინდთა სიმბოლო.