სუდეტები
From Wikipedia, the free encyclopedia
From Wikipedia, the free encyclopedia
სუდეტები (პოლ. Sudety; ჩეხ. Krkonošsko-jesenická subprovincie; გერმ. Sudeten) — მთები დასავლეთ ევროპაში. ვრცელდება პოლონეთის, ჩეხეთისა და გერმანიის ტერიტორიებზე. გადაჭიმულია ჩრდილო-დასავლეთიდან სამხრეთ-აღმოსავლეთისაკენ დაახლოებით 310 კმ-ზე. შედგება ცალკეული ქედებისა და მასივებისაგან, რომლებიც დაყოფილია გასწვრივი ტექტონიკური დადაბლებებით. წარმოადგენს ჩეხეთის მასივის ამაღლებულ კიდეს. მაქსიმალური სიმაღლე 1602 მ (მთა სნეჟკა). მეტწილად აგებულია გრანიტებით, გნაისებით, პალეოზოური თიხაფიქლებით და ვულკანური ქანებით, ცარცული ქვიშაქვებითა და მერგელებით. მწვერვალები მოსწორებულია, კალთები — ციცაბო. თხემურ ნაწილში განვითარებულია ძველმყინვარული რელიეფი. სუდეტებზე სათავე აქვს მდინარეებს: ელბას, ოდერს, მორავას. ჰავა ზომიერია. ნალექები 700-1400 მმ წელიწადში. კალთების ქვედა ნაწილი შემოსილია მუხნარ-წიფლნარით, ზევით ნაძვნარ-ფიჭვნარია, 1200-1300 მ-ზე მაღლა — ბუჩქნარი, მდელო და ტორფნარი. კრკონოშეს მთებშია კრკონოშეს ეროვნული პარკი. არის კურორტები. ტურიზმისა და სათხილამური სპორტის რაიონია.
სუდეტები | |
---|---|
სუდეტები | |
კოორდინატები: 50°30′ ჩ. გ. 16°00′ ა. გ. | |
ქვეყანა | პოლონეთი ჩეხეთი გერმანია |
უმაღლესი წერტილი | სნეჟკა |
სიმაღლე | 1602 მ |
სიგრძე | 310 კმ |
სიგანე | 30-50 კმ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.