სუბკონტინენტი

სუბკონტინენტი — რომელიმე კონტინენტის შემადგენელი ხმელეთის დიდი ნაწილი, რომელსაც ისტორიული ან გეოტექტონიკური მიზეზებით გამოარჩევენ „დედობილი“ კონტინენტის დანარჩენი მიწებისგან.

იმ შემთხვევებში, როდესაც ჩრდილოეთ და სამხრეთ ამერიკას არ განიხილავენ, როგორც ცალკეულ კონტინენტებს, მათ უწოდებენ ამერიკის კონტინენტის სუბკონტინენტებს.

თანამედროვე პრაქტიკაში სუბკონტინენტის მნიშვნელობა თითქმის ყოველთვის გამოიყენება ინდოეთის სუბკონტინენტის აღსანიშნად. მიუხედავად იმისა, რომ ის გეოგრაფიულად ეკუთვნის აზიას, ის ქმნის საკუთარ კონტინენტურ ფილაქანს. ინდური და ევრაზიის ფილაქნის შეჯახების შედეგად წარმოიქმნა ჰიმალაის მთები. ანალოგიური პროცესი მიმდინარეობდა აპენინის ნახევარკუნძულზე, რომელიც ევროპას შეეჯახა, რამაც ალპების შექმნა გამოიწვია, თუმცა პატარა ზომის გამო მისი სუბკონტინენტად მოხსენიება მიუღებელია. ევროპა წარმოადგენს ევრაზიის სუბკონტინენტს. მისი აზიის მატერიკთან შეჯახების შედეგად რამდენიმე ასეული მილიონი წლის წინ წარმოიქმნა ურალის მთები, რომლებიც ამჟამად უმეტესწილად ეროდირებულია.

დედამიწის ისტორიის განმავლობაში კონტინენტები არაერთხელ იყოფოდა და ხელახლა ეჯახებოდა ერთმანეთს. ამ დროს წარმოიქმნებოდა სუბკონტინენტები და სხვა კონტინენტებთან საბოლოო შერწყმის შედეგად კვლავ ქრებოდა.

ლიტერატურა

• ინდოეთის ისტორია – ჯონ მაკლეოდისგან