რუმინეთის ისტორიული ოლქები

XIX საუკუნის ბოლოს და XX საუკუნეში რუმინეთი მოიცავდა შემდეგ ოლქებს:

ვლახეთი, ტრანსილვანია და მოლდავია პირად კავშირში 1600 წელს, მიხაელ მამაცის მმართველობის დროს.

რუმინეთის და მისი მეზობლების ისტორიული ოლქები

დიდი რუმინეთის (1918-1940) ისტორიული ოლქები.

ვლახეთი:

• მუნტენია ან დიდი ვლახეთი: როგორც ვლახეთის ნაწილი რუმინეთს შეუერთდა 1859 წელს, შედის დღევანდელი რუმინეთის შემადგენლობაში;
• ოლტენია ან მცირე ვლახეთი: როგორც ვლახეთის ნაწილი რუმინეთს შეუერთდა 1859 წელს, შედის დღევანდელი რუმინეთის შემადგენლობაში;

მოლდოვა:

• დასავლეთი მოლდოვა: შეუერთდა ვლახიას 1859 წელს, შედის დღევანდელი რუმინეთის ტერიტორიაში; ჰერცას მხარე შედის უკრაინის შემადგენლობაში;
• ბუკოვინა: შედიოდა რუმინეთის შემადგენლობაში 1918 წლიდან მეორე მსოფლიო ომამდე, დღეს გაყოფილია რუმინეთსა და უკრაინას შორის;
• აღმოსავლეთი მოლდოვა (ბესარაბია ბუჯაკის ჩათვლით): შედიოდა რუმინეთის შემადგენლობაში 1918 წლიდან მეორე მსოფლიო ომამდე, დღეს გაყოფილია მოლდოვასა და უკრაინას შორის.

დობრუჯა:

• ჩრდილოეთი დობრუჯა (კუნძულ ზმეინის ჩათვლით): დღეს რუმინეთის შემადგენლობაში (ზმეინი კუნძულის გამოკლებით, რომლებიც 1948 წლიდან გახდა უკრაინის საბჭოთა რესპუბლიკის ტერიტორია, ხოლო 1991 წლიდან უკრაინის);
• სამხრეთი დობრუჯა: რუმინეთის ტერიტორია 1913-1940 წლებში, დღეს ეკუთვნის ბულგარეთს.

ვლახეთს, დასავლეთ მოლდავიას და დობრუჯას ხანდახან უწოდებენ რუმინეთის ძველ სამეფოს, რადგან ისინი შეადგენდნენ ძველ სამეფოს პირველ მსოფლიო ომამდე.

ტრანსილვანია (და პარციუმი):

• ტრანსილვანიის ყოფილი საგრაფო: რუმინეთის შემადგენლობაშია 1918 წლიდან;
• ბანატი (ისტორიული პარციუმის ნაწილი): 1918 წლიდან გაყოფილია რუმინეთსა სერბეთსა და უნგრეთს შორის;
• კრიშანა (ისტორიული პარციუმის ნაწილი): 1918 წლიდან გაყოფილია რუმინეთსა და უნგრეთს შორის;
• მარამურეში (ისტორიული პარციუმის ნაწილი): 1918 წლიდან მისი სამხრეთი ნაწილი რუმინეთის შემადგენლობაშია, ხოლო ჩრდილოეთის ნაწილი უკრაინის შემადგენლობაში.

მეორე მსოფლიო ომის განმავლობაში ან მას შემდეგ რუმინეთმა მისი ტერიტორიების ნაწილი დაკარგა: სამხრეთი დობრუჯა 1940 წელს, ჩრდილოეთი ბუკოვინა და ჰერცა 1940 წელს, კუნძული ზმეინი 1948 წელს, ბესარაბია 1940 წელს.

იხილეთ აგრეთვე

• რუმინეთის ისტორია
• რუმინეთის ჟუდეცები
• მოძრაობა რუმინეთის და მოლდოვის გაერთიანებისთვის

რესურსები ინტერნეტში

• (ინგლისური) Prezentare a diverselor regiuni istorice, inclusiv o hartă a lor დაარქივებული 2007-02-27 საიტზე Wayback Machine.
• Unități administrativ-teritoriale istorice și regiuni etnografice în sudul și estul Transilvaniei, de László VOFKORI și Ana LENART დაარქივებული 2006-05-31 საიტზე Wayback Machine.
• De unde provin numele regiunilor României. Poveștile ”botezătorilor”, 3 februarie 2013, Adevărul