![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Location_of_Nanchang_Prefecture_within_Jiangxi_%2528China%2529.png/640px-Location_of_Nanchang_Prefecture_within_Jiangxi_%2528China%2529.png&w=640&q=50)
ნანჩანის აჯანყება
From Wikipedia, the free encyclopedia
ნანჩანის აჯანყება — ჩინეთის ეროვნულ-რევოლუციური არმიის ნაწილების შეიარაღებული გამოსვლა გომინდანის კონტრრევოლუციური ხელისუფლების წინააღმდეგ, 1927 წელს. მოაწყო ჩინეთის კომპარტიამ. ამ აჯანყებამ დასაბამი მისცა ჩინეთის კომპარტიის ისტორიას ახალ-გომინდანის წინააღმდეგ სამოქალაქო ომის პერიოდში. აჯანყება დაიწყო 1927 წლის 1 აგვისტოს, ქალაქ ნანჩანში. რევოლუციურ კომიტეტში ჩინეთის კომპარტიის წევრებთან ერთად შედიოდნენ სუნ ცინლინი და სხვა მემარცხენე გომინდანელები. აჯანყებას ხელმძღვანელობდა ჩინეთის კომპარტიის საფრონტო კომიტეტი (მდივანი ჯოუ ენლაი) და სამხედრო სარდლობა. აჯანყებულებმა 1 აგვისტოს განაიარაღეს ნანჩანის გომინდანელთა გარნიზონი, 3-5 აგვისტოს მოაწყეს ლაშქრობა სამხრეთისაკენ გუანჯოუს რევოლუციური ბაზის აღსადგენად. 50 დღიანი მარშის შემდეგ რევოლუციური ჯარები შევიდნენ აღმოსავლეთ გუანდუნის რაიონში, სადაც, 29-30 სექტემბერს ისინი დაამარცხეს გომინდანელთა ჯარებმა. ნანჩანის აჯანყებამ საფუძველი ჩაუყარა ჩინეთის წითელი არმიის შექმნას. 1 აგვისტო ჩინეთის სახალხო რესპუბლიკაში სახელმწიფო-განმათავისუფლებელი არმიის შექმნის დღეა.
![Thumb image](http://upload.wikimedia.org/wikipedia/commons/thumb/d/d1/Location_of_Nanchang_Prefecture_within_Jiangxi_%28China%29.png/640px-Location_of_Nanchang_Prefecture_within_Jiangxi_%28China%29.png)
![Thumb image](http://upload.wikimedia.org/wikipedia/commons/thumb/1/13/1924_Zhou_Enlai_in_National_Revolutionary_Army_uniform2.jpg/180px-1924_Zhou_Enlai_in_National_Revolutionary_Army_uniform2.jpg)