From Wikipedia, the free encyclopedia
მიკროკლინი (მიკრო... და ბერძნ. klíno – ვიხრები, კუთხე ტკეჩადობის სიბრტყეებს შორის 20'-ით განსხვავდება მართი კუთხისაგან) — მინდვრის შპატების ჯგუფის მინერალი. ქიმიური შედგენილობა K[AlSi3O8]. უმნიშვნელო რაოდენობით შეიცავს მინარევებს (Ca, Ba, Fe, Rb, Cs). კრისტალდება ტრიკლინურ სინგონიაში. ჩვეულებრივ, ვარდისფერია, იშვიათად — თეთრი, მოყვითალო, მოცისფრო-მომწვანო; ელვარება — მინისებრი, სადაფისებრი აქვს. გვხვდება პრიზმული კრისტალებისა და ცალკეული მარცვლებისა და გროვების სახით. სიმაგრე მინერალოგიური სკალით 6-6,5; სიმკვრივე 2540-2570 კგ/მ³. შედის გრანიტების, პეგმატიტების, გნაისებისა და მრავალი კრისტალური ფიქლის შედგენილობაში; გვხვდება ზოგიერთ დანალექ ქანშიც (ქვიშებში, ქვიშაქვებში). მიკროკლინის მსხვილ კრისტალებს, რომლებსაც პეგმატიტებიდან იღებენ, იყენებენ კერამიკულ წარმოებაში. მიკროკლინის მოცისფრო-მომწვანო სახესხვაობა — ამაზონიტი — სანახელავო ქვაა.
| მიკროკლინი | |
|---|---|
USGOV.jpg) |
|
| საერთო | |
| ქიმიური ფორმულა | K[AlSi3O8] |
| იდენტიფიკაცია | |
| ფერი | ვარდისფერი, იშვიათად — თეთრი, მოყვითალო, მოცისფრო-მომწვანო |
| კრისტალის სინგონია | ტრიკლინური |
| სიმაგრე მოოსის სკალით | 6-6,5 |
| სიმკვრივე | 2540-2570 კგ/მ³ კგ/მ³ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
