From Wikipedia, the free encyclopedia
კოტაბატო (ოფიციალურად ქალაქი კოტაბატო (მაგ: Ingud nu Kutawatu;; ტაგ: Lungsod ng Cotabato) — მესამე კლასის დამოუკიდებელი შემადგენელი ქალაქი ფილიპინებში, მაგინდანაოს პროვინციაში, ბანგსამოროს რეგიონში. 2015 წლის აღწერით ქალაქის მოსახლეობა 299 438 ადამიანს შეადგენს და ფილიპინებში დამოუკიდებელ შემადგენელ ქალაქებს შორის ყველაზე მეტად დასახლებული ქალაქია.
კოტაბატო Kuta Watu | |||||
| |||||
ქვეყანა | ფილიპინები | ||||
---|---|---|---|---|---|
კოორდინატები | 7°13′00″ ჩ. გ. 124°15′00″ ა. გ. | ||||
ფართობი | 176.00 კმ² | ||||
ცენტრის სიმაღლე | 102 მეტრი | ||||
მოსახლეობა | 325 079 (1 მაისი, 2020)[1] | ||||
სასაათო სარტყელი | UTC+8 | ||||
სატელეფონო კოდი | 64 | ||||
საფოსტო ინდექსი | 9600 | ||||
ოფიციალური საიტი | http://www.cotabatocity.ph | ||||
კოტაბატო ადრე ფილიპინების XII რეგიონის რეგიონულ ცენტრს წარმაოდგენდა, მაგრამ ბანგსამოროს ორგანული კანონის რატიფიცირების შემდეგ ბანგსამოროს შემადგენლობაში აღმოჩნდა და მისი რეგიონული ცენტრი გახდა. ქალაქი გეოგრაფიულად მაგინდანაოს პროვინციაში მდებარეობს, მაგრამ დამოუკიდებელი შემადგენელი ქალაქის სტატუსი გაგმო პროვინციული მთავრობის რეგულაციებისგან თავისუფალია. სტატისტიკური მიზნებით ფილიპინების სტატისტიკის სააგენტო კოტაბატოს დამოუკიდებელ ერთეულად გამოყოფს.
კოტაბატო მანილიდან 1 294.4 კმ-ის (698.9 საზღვაო მილი) დაშორებით მდებარეობს. ჩრდილოეთიდან სულთან-კუდარათის მუნიციპალიტეტები: კაბუნტალანი და დათუ-ოდინ-სინსუათი ესაზღვრება. დასავლეთით ილანის ყურე, მოროს ყურის ნაწილი მდებარეობს. კოტაბატოს ფართობი 176 კმ²-ია. ქალაქი მდინარე მინდანაოსა და პულანგის შეერთების ადგილას მდებარეობს.[2]
კოტაბატო 27 ურბანულ ბარანგაის მოიცავს, რომლებიც ორ მთავარ ურბანულ სივრცედ იყოფა: ქვედა საქალაქო სივრცედ და ზედა საქალაქო სივრცედ.
ქვედა საქალაქო სივრცე მოიცავს პობლაკიონისა და ბაგუის ბარანგაებს, სადაც 150 000-ზე მეტი ადამიანი ცხოვრობს. ტერიტორია ზღვის დონეზე დაბლა მდებარეობს და ხშირი წყალდიდობებია დამახასიათებელია. კოტაბატოს ეს სივრცე საბანკო, სავაჭრო და კომერციული ცენტრია. ქალაქის ამ ნაწილში 20-მდე ბანკია განთავსებული, მათ შორის ფილიპინების ცენტრალური ბანკიც. ქვედა საქალაქო სივრცეში მდებარეობს რამდენიმე მთავარი სასწავლო დაწესებულებაც, როგორებიცაა: ნოტრ-დამის უნივერსიტეტი, კოტაბატოს ცენტრალური საპილოტე სკოლა და სხვ.
ზედა საქალაქო სივრცე მოიცავს ბარანგაებს როსარის სიმაღლეებიდან ქალაქის მერიამდე. ეს ნაწილი ქალაქის სერვის ცენტრია, რადგანაც XII რეგიონისა და ბანგსამოროს რეგიონული სამთავრობო სააგენტოები აქაა განლაგებული. ზედა საქალაქო სივრცეში მდებარეობს კოტაბატოს რეგიონული და სამედიცინო ცენტრი, საგანმანათლებლო დაწესებულებები, როგორებიცაა: კოტაბატოს სახელმწიფო პოლიტექნიკური კოლეჯი, AMA-ის კომპიუტერული კოლეჯი და სხვ.
ქალაქი მაგინდანაოს პროვინციის დაბლობ ნაწილში მდებარეობს. კოტაბატოში სულ 37 ბარანგაია, რომლებიც დაბლობ და მცირედ დახრილ ფერდობებზეა გაშენებული. ქალაქი ორი მდინარის დელტასთანაა გაშლილი. ტერიტორიის 70%-ზე მეტი ზღვის დონეზე დაბლა მდებარეობს. ზღვის დონიდან შედარებით მაღლა მხოლოდ ორი ობიექტი მდებარეობს: PC ბორცვი და ტიმაკოს ბორცვი, შესაბამისად, ზღვის დონიდნა 90 და 150 ფუტის სიმაღლეზე.
ურბანული სივრცეები ქალაქის ცენტრალურ ნაწილშია განთავსებული, ხოლო სამხრეთ-დასავლეთ და სამხრეთ-აღმოსავლეთ ნაწილში შერეული გამოყენების სასოფლო-სამეურნეო დასახლებებია. ქალაქის მდინარეები ბუნებრივი დრენაჟის ფუნქციასაც ასრულებენ და სოფლის მეურნეობაში, ინდუსტრიულ და საყოფაცხოვრებო საქმიანობაშიც გამოიყენება.
კოტაბატო პოლიტიკურად 37 ბარანგაიდ იყოფა.[3][4] ფილიპინების სტატისტიკის სააგენტოს კლასიფიკაციით მათგან 27 ურბანულია.
კიოპენის კლიმატის კლასიფიკაციით კოტაბატო ეკვატორულ კლიმატურ სარტყელში მდებარეობს. ნალექების საშუალო წლიური მაჩვენებელი 2 487.8 მმ-ს უდრის.
კოტაბატოს მოსახლეობის ნახევარი მაგინდანაოს ეთნიკურ ჯგუფს მიეკუთვნება. 14% სებუანოს ეთნიკური ჯგუფის წარმომადგენელია, 9.7% — ტაგალები არიან, 5.6% — ჰილიგაინონები, 2.7% — ბინისაიები და 2% — ჩინელები. მცირე ეთნიკურ ჯგუფებს მიეკუთვნებიან ტაუსუგები, ტედურაიები, ილოკანოები, მარანაოები და ინდოელები.[5]
ქალაქის მოსახლეობის მთავარი ენებია მაგინდანაოს, ტაგალური და სებუანური ენა, რომლებზეც ქრისტიანებიც და მუსლიმებიც საუბრობენ. მოსახლეობის მცირე ნაწილი ირანუნის, მარანაოს, ინგლისურ და არაბულ ენებზე საუბრობს. ჩაბაკანოს დიალექტს ხშირად კოტაბატენიოს უწოდებენ.[6]
ფილიპინების სტატისტიკის სააგენტოს მონაცემებით (2015) კოტაბატოს მოსახლეობის 76.15% ისლამის, ძირითადად სუნიზმის მიმდევარია.[7] რელიგიურ უმცირესობებს ქრისტიანები, ბუდისტები და სხვა სექტების წარმომადგენლები მიეკუთვნებიან.
ფილიპინების მასშტაბით ყველაზე მეტი მეჩეთი კოტაბატოში მდებარეობს. სულთან ჰაჯი ჰასანალ ბოლკიაჰის მეჩეთი 15 000 მლოცველს იტევს.[8] ქალაქი კოტაბატოს არქიეპარქიას მიეკუთვნება, რომელიც რომის კათოლიკური ეკლესიის დაქვემდებარებაშია.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.