From Wikipedia, the free encyclopedia
იურეკ ბეკერი (დ. 1937) ― პოლონეთში დაბადებული გერმანელი მწერალი და სცენარისტი. ბავშვობა ლოძის ებრაელთა გეტოში გაატარა, მოგვიანებით, მშობლებთან ერთად, რავენსბრიუკისა და ზაქსენჰაუზენის საკონცენტრაციო ბანაკების პატიმარიც იყო. ომის დამთავრების შემდეგ დასახლდა აღმოსავლეთ ბერლინში. გდრ-ში ჩაბმული იყო დისიდენტურ მოძრაობაში. 1977 წელს საცხოვრებლად გადავიდა დასავლეთ ბერლინში. ავტორი თავის შემოქმედებაში იკვლევს ებრაულ იდენტობას. მისი ყველაზე გახმაურებული რომანია „მატყუარა იაკობი“ (1969).
იურეკ ბეკერი | |
---|---|
გერმ. Jurek Becker | |
დაბადების თარიღი | 30 სექტემბერი, 1937[1] [2] [3] [4] [5] [6] [7] [8] |
დაბადების ადგილი | ლოძი[1] |
გარდაცვალების თარიღი | 14 მარტი, 1997[1] [2] [3] [4] [6] [7] [8] [9] (59 წლის) |
გარდაცვალების ადგილი | Thumby |
საქმიანობა | მწერალი, სცენარისტი[8] და პროზაიკოსი[8] |
მოქალაქეობა |
გდრ გერმანიის ფედერაციული რესპუბლიკა |
ალმა-მატერი | ჰუმბოლდტის უნივერსიტეტი |
Magnum opus | მატყუარა იაკობი და Bronstein’s Children |
ჯილდოები | ოფიცრის ჯვრის ორდენი გერმანიის ფედერაციული რესპუბლიკის წინაშე დამსახურებისთვის, გდრ-ის ეროვნული პრემია, ჰაინრიხ მანის პრემია[10] , Charles Veillon prize in the German language, ჰანს ფალადას პრემია, Stadtschreiber von Bergen, Bavarian TV Awards[11] და ქალაქ ბრემენის ლიტერატურული პრემია |
იურეკ ბეკერისა დაბადების ზუსტი თარიღი უცნობია, ერთადერთი ცნობილი მონაცემი 1937 წელია, რომელიც მამამისმა მისი დეპორტაციისგან თავდასაცავად გამოიყენა. სავარაუდოა, რომ ბეკერი რამდენიმე წლით ადრე იყოს დაბადებული.
ბეკერმა ბავშვობა ლოძის გეტოში გაატარა. ხუთი წლის ასაკში გაგზავნეს რავენსბრუკის, მოგვიანებით კი ზაქსენჰაუზენის საკონცენტრაციო ბანაკში. დედამისი ჰოლოკოსტს ემსხვერპლა, მამა კი გადარჩა. ომის შემდეგ მამა-შვილი ერთმანეთს აღმოსავლეთ ბერლინში შეხვდა.
1950-იან წლებში აღმოსავლეთ გერმანიის არმიაში სავალდებულო სამხედრო სამსახურის მოხდის შემდეგ ბეკერი აღმოსავლეთ ბერლინის უნივერსიტეტში ფილოსოფიას სწავლობდა, საიდანაც იგი საკუთარი არაკონფორმისტული შეხედულებების გამოხატვის გამო გარიცხეს. 1960-იან წლებში ბეკერი წერდა კინოსცენარებს, მათ შორის ერთ-ერთი იყო „მატყუარა იაკობი“, რომელიც მან ფილმის წარმოების შეწყვეტის შემდეგ რომანად აქცია. 1974 წელს კინოკომპანია DEFA-მ გადაიღო რომანის ეკრანიზაცია, რომელიც გახდა ოსკარზე ნომინირებული (უცხოენოვანი ფილმების კატეგორიაში) ერთადერთი აღმოსავლეთ გერმანული ფილმი. 1998 წელს მისი ამერიკული რიმეიქი გადაიღეს, რომელშიც მთავარ როლს რობინ უილიამსი ასრულებს.
ბეკერი ერთ-ერთი იყო ვოლფ ბირმანის გაძევების საწინააღმდეგო პეტიციის თავდაპირველ თორმეტ ხელმომწერთაგან. აღნიშნულმა პოლიტიკურმა პროტესტმა ავტორს პრობლემები შეუქმნა, რის გამოც 1977 წელს იგი აღმოსავლეთიდან დასავლეთ ბერლინში გადავიდა, თუმცა აღმოსავლეთ ბერლინის მოქალაქეობის შენარჩუნებაც მოახერხა.
ბეკერი 1997 წელს მსხვილი ნაწლავის კიბოთი გარდაიცვალა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.