From Wikipedia, the free encyclopedia
ვანესა მორგანი (ინგლ. Vanessa Morgan; დ. 23 მარტი, 1993) — კანადელი მსახიობი[1] . ცნობილია თავისი შესრულებული როლებით: როგორც კასტროს მეგობარი, MTV-ს თინეიჯერულ დრამა სერიალ „კასტროს ძებნაში“, როგორც ამანდა პაიერსი, Family-ს თინეიჯერულ კომედიურ სატელევიზიო სერიალ „The Latest Buzz“-ში, როგორც სარა დისნეი/Teletoon-ის ფილმ „My Babysitter's a Vampire“-ში, იგი ასევე მონაწილეობას იღებდა ამავე როლით, იგივე სახელწოდების მქონე სატელევიზიო სერიალში. ახლა კი, თამაშობს ტონი ტოპაზის როლს, The CW-ს ამერიკულ თინეჯერულ დრამა სერიალ „რივერდეილში“.
კანადელი მსახიობი ვანესა მორგანი, 1993 წლის 23 მარტს დაიბადა, კანადის ქალაქ ოტავაში. დედამისი ეთნიკური წარმომავლობით შოტლანდიელია, ხოლო მამამისი სამხრეთ აფრიკელი[2][3]. ჰყავს ერთი და, სახელად სელინა. სანამ მორგანი ცნობილი გახდებოდა და სამსახიობო კარიერას დაიწყებდა, 7 წლის ასაკში, 1999 წელს, მოიგო „Junior Miss America“. მან 2010[4][5] წელს დაამთავრა „Colonel By Secondary School“-ი, ხოლო შემდგომ, ფილოსოფია შეისწავლა დედოფლის უნივერსიტეტში[6].
ვანესა მორგანის სამსახიობო კარიერა 2000 წელს დაიწყო, როდესაც VH1-ს ფილმ „A Diva's Christmas Carol“-ში მიიღო მონაწილეობა. შემდგომ, 2010 წელს, ითამაშა კანადურ დრამა ფილმ „ფრენკი და ელისი“-ში. იგი ცნობილი გახდა მაშინ, როდესაც 2007 წელს, ამანდა პიერსის როლი მოირგო, და მონაწილეობა მიიღო Family-ს თინეიჯერულ კომედიურ სერიალ „The Latest Buzz“-ში. 2010 წელს, მან ასევე შეასრულა მარია ჰოუტორნის როლი, დისნეის სატელევიზიო ფილმ „Harriet the Spy: Blog Wars“-ში[7].
ამავე წელს, მან Teletoon/დისნეის ფილმ „My Babysitter's a Vampire“-ში სარას როლით ითამაშა. ვანესა ასევე მონაწილეობას იღებდა ამავე სახელწოდების მქონე სატელევიზიო სერიალში[8] . 2011 წელს მორგანმა დისნეის ფილმ „მშვენიერი პრინცი“-ში მიიღო მონაწილეობა. მას განმეორებადი როლი ჰქონდა დისნეის კომედიური სერიალის „A.N.T. Farm“-ის მეორე სეზონის 4 ეპიზოდში[9].
2013 წელს მორგანი გამოჩნდა კანადურ თინეიჯერულ სატელევიზიო სერიალ „Degrassi: The Next Generation“-ის ორ ეპიზოდში[10].
2017 წელს, იგი Spike-ს ფანტაზიური ჟანრის დრამა სერიალ, „შანარას ქრონიკებში“ ლირიას როლს ასრულებდა. 2018 წლის 2 მაისს, ცნობილი გახდა ფაქტი რომ ვანესა The CW-ს ამერიკულ, თინეიჯერულ დრამა სერიალ „რივერდეილის“ მესამე სეზონში[11] ტონი ტოპაზის როლს შეასრულებდა.
2019 წლის 3 ივლისს, კანადელმა მსახიობმა და ამერიკელმა პროფესიონალმა კალათბურთელმა მაიკლ კოპეჩმა სასიყვარულო ურთიერთობა დაიწყეს[12], ხოლო 2020 წლის 4 იანვარს[13] დაქორწინდნენ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.