From Wikipedia, the free encyclopedia
ვანგუნუ (ინგლ. Vangunu) — ვულკანური კუნძული ნიუ-ჯორჯიის კუნძულების, სოლომონის არქიპელაგის ჯგუფში[1]. ადმინისტრაციულად შედის მელანეზიური სახელმწიფო სოლომონის კუნძულების დასავლეთი პროვინციის შემადგენლობაში.
მშობ. სახელი: ინგლ. Vangunu | |
---|---|
კუნძულ ვანგუნუს ადგილმდებარეობა | |
გეოგრაფია | |
მდებარეობა | წყნარი ოკეანე |
კოორდინატები | 8°38′ ს. გ. 158°00′ ა. გ. |
ფართობი | 509 კმ² |
უმაღლესი წერტილი | 1082 მ |
პროვინცია | დასავლეთი პროვინცია |
დემოგრაფია | |
მოსახლეობა | 2212 (1999) |
სიმჭიდროვე | 4,346 ად. /კმ² |
ვანგუნუს კუნძული მდებარეობს წყნარი ოკეანის სამხრეთ ნაწილში. კუნძულიდან ჩრდილო-დასავლეთით მდებარეობს კუნძული ახალი გეორგია, დასავლეთით — კუნძული რენდოვა, ჩრდილო-აღმოსავლეთით — კუნძული სანტა-ისაბელი, სამხრეთ-აღმოსავლეთით — რასელის კუნძულები და გუადალკანალი.
ვანგუნუ წარმოადგენს ვულკანურ კუნძულს, რომელიც ზოგიერთ ადგილას გარშემორტყმულია მარჯნის რიფით და თავისი ფორმით ჰგავს ოვალს[1]. ვანგუნუ შედგება საკმაოდ დასერილი ვულკანური კონუსისგან დიდი კრატერით[2]. კუნძულის ზღვის დონიდან უმაღლესი წერტილია ვანგუნუს მთა, რომლის სიმაღლეა 1082 მეტრი[1]. ჩრდილო-აღმოსავლეთით მდებარეობს ლაგუნა როვიანა.
კუნძულზე კლიმატი ტროპიკული და ნოტიოა[1]. ვანგუნუზე ხდება მიწისძვრები და ციკლონებია.
1893 წლის 15 მარტს კუნძულზე დამყარდა ბრიტანეთის იმპერიის პროტექტორატი [3] და 1971 წელს იყო ბრიტანეთის დასავლეთ-წყნარი ოკეანის ტერიტორიების ნაწილი[3].
მეორე მსოფლიო ომის წლებში, 1943 წლის 30 ივნისს, ამერიკელებმა დაიწყეს გადასვლა ვანგუნუს და რენდოვას კუნძულების ჩრდილოეთ დაბოლოებებზე[4].
1978 წლიდან ვანგუნუს კუნძული სოლომონის კუნძულების სახელმწიფოს ნაწილია.
1999 წელს კუნძულის მოსახლეობის რაოდენობა შეადგენდა 2212 ადამიანს[2]. კუნძულელები ლაპარაკობენ ორ მელანეზიურ ენაზე: მაროვო (8094 მოლაპარაკე 1999 წელს; ასევე გავრცელებულია კუნძულ ახალი გეორგიის სამხრეთ ნაწილში, კუნძულ ნგატოკაეზე) და ვანგუნუზე (907 მოლაპარაკე 1999 წელს; გავრცელებულია კუნძულის ჩრდილოეთ ნაწილში)[5].
ადგილობრივი მოსახლეობის ძირითადი საქმიანობაა — სოფლის მეურნეობა და თევზჭერა[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.