![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d7/Andrew_Garfield_by_Gage_Skidmore.jpg/640px-Andrew_Garfield_by_Gage_Skidmore.jpg&w=640&q=50)
ენდრიუ გარფილდი
From Wikipedia, the free encyclopedia
ენდრიუ რასელ გარფილდი (ინგლ. Andrew Russell Garfield; დ. 20 აგვისტო 1983) — ამერიკელ-ბრიტანელი მსახიობი.
ენდრიუ გარფილდი | |
---|---|
![]() ენდრიუ გარფილდი (2013) | |
დაბადების თარიღი |
20 აგვისტო, 1983 (1983-08-20) (40 წლის) ლოს-ანჯელესი, კალიფორნია, აშშ |
საქმიანობა | მსახიობი |
აქტიური | 2004 – დღემდე |
დაიბადა ლოს-ანჯელესში, გაიზარდა დიდი ბრიტანეთის ქალაქ ეპსომში. კარიერა დაიწყო ბრიტანეთის სატელევიზიო პროგრამებში გამოსვლით. პირველი ცნობილი როლი მიიღო ფილმში „ლომები ბატკნებისთვის“, რომელიც გადაიღო რობერტ რედფორდმა 2007 წელს. საერთაშორისო ყურადღება 2010 წელს მიიპყრო, როდესაც ითამაშა დევიდ ფინჩერის ფილმში „სოციალური ქსელი“. ამ ფილმში გარფილდმა განასახიერა Facebook-ის ერთ-ერთი დამაარსებლის ედუარდო სავერინის სახე. შესრულებული როლისთვის გარფილდი ნომინირებული იყო ოქროს გლობუსსა და ბაფტაზე. შესრულებული როლისთვის ფილმში „არ გამიშვა“ მოიპოვა სატურნის ჯილდო.
2012 წელს გადაიღეს სუპერგმირულ ფილმში „საოცარი ადამიანი ობობა“, სადაც ითამაშა ადამიანი ობობას როლი. 2016 წელს ერთბაშად ორ ფილმში მიიღო მონაწილეობა: მარტინ სკორსეზეს ფილმში „დუმილი“ და მელ გიბსონის ფილმში „ჰაქსოს გმირი“. დეზმონდ დოსის როლის შესრულებისთვის ფილმში „ჰაქსოს გმირი“ ნომინირებული იყო ოსკარსა და ოქროს გლობუსზე.