![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/%25D0%2593%25D0%25BE%25D0%25BB%25D1%2583%25D0%25B1%25D0%25B0%25D1%2587%25D0%25BA%25D0%25B0_%25D1%2582%25D0%25B2%25D1%2580%25D1%2592%25D0%25B0%25D0%25B2%25D0%25B0_%25D1%2581%25D0%25B0_%25D0%2594%25D1%2583%25D0%25BD%25D0%25B0%25D0%25B2%25D0%25B0.jpg/640px-%25D0%2593%25D0%25BE%25D0%25BB%25D1%2583%25D0%25B1%25D0%25B0%25D1%2587%25D0%25BA%25D0%25B0_%25D1%2582%25D0%25B2%25D1%2580%25D1%2592%25D0%25B0%25D0%25B2%25D0%25B0_%25D1%2581%25D0%25B0_%25D0%2594%25D1%2583%25D0%25BD%25D0%25B0%25D0%25B2%25D0%25B0.jpg&w=640&q=50)
გოლუბაცის ციხე
From Wikipedia, the free encyclopedia
გოლუბაცის ციხე (სერბ. Голубачки град, Golubački grad; უნგრ. Galambóc vára; ბულგ. Гълъбец; რუმ. Cetatea Golubăț; თურქ. Güvercinlik Kalesi) — შუა საუკუნეების გამაგრებული ქალაქი მდინარე დუნაის სამხრეთ ნაპირზე, რომელიც მდებარეობს 4 კილომეტრით სამხრეთით თანამედროვე ქალაქ გოლუბაციდან, სერბეთი. ბოლოდროინდელი არქეოლოგიური გათხრების შედეგად ციხე აშენდა XIV საუკუნეში, შუა საუკუნეების სერბეთში. ნაგებობის მშენებლობა სამ ეტაპად მიმდინარეობდა.[1] ციხეს აქვს ათი კოშკი, რომელთა უმეტესობა მოედანზეა განთავსებული. კოშკები არ იყო დაკავშირებული ერთმანეთთან, რაც თავდაცვას უფრო რთულს ხდიდა. ციხესიმაგრეში ასევე აღმოჩენილია შუა საუკუნეების სერბული ფრესკები.[1]
გოლუბაცის ციხე | |
---|---|
სერბ. Голубачки град, Golubački grad | |
![]() | |
მდებარეობა | გოლუბაცი, სერბეთი |
ტიპი | თავდაცვითი, შერეული |
ისტორია | |
აშენების წელი | XIV საუკუნე |
მასალა | ქვა |
გოლუბაცის ციხე ![]() |
მშენებლობის დაწყებამდე ციხესიმაგრის მიმდებარედ რომაული დასახლებები იყო შექმნილი. შუა საუკუნეების განმავლობაში ნაგებობის მიმდებარედ მრავალი ბრძოლა მოეწყო, განსაკუთრებით ოსმალეთის იმპერიასა და უნგრეთის სამეფოს შორის. ციხე ეკავათ თურქებს, ბულგარელებს, უნგრელებს, სერბებსა და ავსტრიელებს. 1867 წელს ციხესიმაგრე სერბ მეფეს, მიჰაილო ობრენოვიჩს გადაეცა. დღესდღეობით გოლუბაცის ციხე პოპულარული ტურისტული ღირსშესანიშნაობაა რეგიონში და მის მიმდებარედ, მდინარე დუნაიზე, ხშირად ეწყობა ნავებს ტური.
ციხესიმაგრემ ისტორიის განმავლობაში 120 შეტევა მოიგერია წარმატებულად.[2]