Yeot

Yeot (엿) ya iku jinis permen lan pemanis tradhisional kas Koréa kang biyasa dilapisake ing bahan roti-roti.^[1] Yeot kira-kira wis digawé déning masarakat Koréa kawit jaman kuna.^[1][2] Wong Koréa nggunakaké yeot minangka pemanis lan minangka panganan entheng, lan jajanan kang biyasa diwènèhake simbah kakung lan simbah putri marang putu-putune.^[1] Yeot misuwur minangka manisan kang diwènèhake marang pelajar kang mèlu ujian.^[1] Ing basa Koréa, ana istilah "kanthil karo ujian", mula pelajar ing Koréa bakal diwènèhi permen yeot kang kanthil supaya padha lulus ujian.^[1] Mula nalika mangsa ujian, akèh wong kang dodolan yeot ing dalanan.^[1]

yeot

Carane gawé

Nalika gawé, yeot racaké digawé saka beras kang difermentasekake.^[1] Carane sega kang wis dimasak, dicampurake karo glepung ragi, digodhog, disaring nganggo saringan.^[1] Banyu godhogan asil saringan bakal digodhog manèh kang suwéné sewengi lan ngasilaké sari beras kang legi lan kenthel kang diarani mullyeot (sirup yeot) utawa jocheong.^[1] Yèn jocheong dimasak manèh nganti suwé, bakal dadi atos lan mbentuk manisan kang diarani permen.^[1]

Jinis

• Gangnyeot, jinis permen kang wernane abang tuwa.
• Buinnyeot, permen kang wujudé tipis lan dawa.
• Kongnyeot, jinis permen kang diwènèhi wijen lan kacang kedelai.
• Pannyeot, permen kang diwènèhi glepung kacang kedelai.