Sasando ya iku piranti musik tradhisional saka Rote kang bisa ngasilaké swara kombinasi saka piranti musik liyané ya iku harpa, piano, lan gitar.[1] Sasando nggabung telung piranti musik ing sajeroning sawijining ritmus, mélodi, lan bas.[1]
![Thumb](http://upload.wikimedia.org/wikipedia/commons/thumb/8/80/COLLECTIE_TROPENMUSEUM_Buisciter_van_bamboe_met_klankkast_van_lontarblad_TMnr_A-5383.jpg/640px-COLLECTIE_TROPENMUSEUM_Buisciter_van_bamboe_met_klankkast_van_lontarblad_TMnr_A-5383.jpg)
Dadi sanajan piranti musik tradhisional, universalitas sasando bisa ing sakabehané.[1] Wujudé sasando memper karo perangkat musik petik liyané kaya ta gitar, piyul, lan kecapi.[2] Pérangan utama sasando awujud tabung dawa kang padatan digawé saka pring.[2] Pérangan tengahe, mlungker saka ndhuwur mengisor diwènèhi ganjelan supaya senar-senar kang dipenthang ing tabung bisa ana jaganane.[2] Ganjelan-ganjelan iki bisa ngasilaké nada kang bedha ing saben-saben ungeling senar.[2] Tabung sasando diglethakake sajeroning wadhah kang digawé saka anyaman godhong lontar kang digawé kaya kipas.[2] Wadhah iki minangka papan resonansi sasando.[2] Sasando nduwé senar kang akèh.[2] Sasando kang nduwé senar cacahé 28 diarani Sasando Engkel.[2] Déné sasando kang cacahé senar 56 (ana uga kang 84 senar) diarani Sasando Dobel.[2] Cara ngunekake sasando iku kaya déné gitar ya iku dipetik.[2] Sasando diunekake nganggo tangan loro, kiwa manengen lan tengen mangiwa.[1] Tangan kiwa kanggo ngungelake melodi lan bass, déné kang tengen kanggo ngungelake akord.[1] Saiki, sasando wis akèh dimodifikasi wujudé miturut kapreluane.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.