From Wikipedia, the free encyclopedia
Sahrul Gunawan (lair ing Bogor, 23 Mèi 1976; umur 48 taun.[1] Sahrul Gunawan lumrahé diundang kanthi jeneng Alul.[1] Sahrul Gunawan iku salah sijiné juru main sinétron, modhèl, presenter, lan uga penyanyi Indonésia.[1]
Sahrul Gunawan miwiti kariré ing donyaning modhel.[1] Sawisé dadi modhél, Sahrul Gunawan banjur njajal kariré ing donyaning akting lan nyanyi.[1] Sinetron kang nggawé jenengé misuwur ya iku sinétron kang judhulé Jin dan Jun.[1] Sawisé suwé dadi bintang sinétron iku, Sahrul Gunawan banjur main ing sinétron Pernikahan Dini.[1] Ing sinétron iki, Sahrul Gunawan main karo Agnes Monica.[1] Sinetron ngenani percintaan remaja iki sangsaya nggawé jenengé misuwur.[1] Sahrul Gunawan uga sangsaya éntuk akèh tawaran main sinétron.[1] Sinetron-sinétron kang tau dibintangi Sahrul Gunawan kaya ta Adam dan Hawa bareng karo Marshanda lan Intan Nuraini, lan Tali Kasih bareng karo Ayu Azhari.[1]
Saliyané akting, alumnus Universitas Pakuan Bogor jurusan Ékonomi iku uga njajal nyanyi.[1] Ana limang album kang wis digawé Sahrul Gunawan.[1] Lumantar lagu "Janji" (saka album kang kaping telu) Sahrul Gunawan bisa lumebu nominasi AMI Sharps 2000.[2] Albume kang paling anyar ya iku album kang kaping lima kang digawé tanggal 25 Juli 2007.[2] Ing album iki, Sahrul Gunawan nggandheng musisi senior kaya ta Melly Goeslaw, Anto Hoed, Icha Jikustik, Yovie Widianto, Ricky FM, Andi Riyanto, Valent, lan Tengku Safick.[2] Saka 11 lagu kang ana ing album iki, lagu kang cacahé loro digawé karo Sahrul Gunawan dhéwé.[2] Tembang iki judhulé "Cintaku Tak Terbatas Untukmu" lan "Nyata Kau Tak Bisa".[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
