From Wikipedia, the free encyclopedia
Rudini (lair ing Malang, Jawa Timur, 15 Dhésèmber 1929 – pati ing Jakarta, 21 Januari 2006 ing umur 76 taun) ya iku jenderal bintang papat lan pulitikus Indonésia.[1]. Dhèwèké ya iku Mantri Dalam Negeri ana ing Kabinet Pembangunan V (1988-1993).[1]
Lair saka pasangan pasangan R. Ismangun Puspohandoyo lan Kusbandiyah, dhèwèké sekolah SD lan Sekolah menengah ana ing Malang.[1] sawisé iku mèlu Akademi Militer ing Breda, Walanda suwéné 5 taun (1951-1955).[1] Sawisé balik ing Indonésia, dhèwèké dilantik dadi perwira rumaja lan duwé pangkat Letnan II.[1] Pendhidhikan sateruse ya iku: Suski, Bandung (1961), Para Bandung (1964), Jump Master, Bandung (1966), Suspala Bandung (1967), Seskoad Bandung (1970), International Defence Management Course, AS (1973), Lemhanas, Jakarta (1977).[1]
Rudini tau dadi Panglima Kodam XIII/Merdeka (1978), Panglima Kostrad (1981) lan Kepala Staf Angkatan Darat (1983-1986).[1] Dhèwèké ya iku pejabat Orde Anyar kang kiprahe ing mangsa era Reformasi.[1] Dhèwèké dipercaya dadi Ketua Komisi Pemilihan Umum (KPU) taun (1999-2001), kang tugase minangka kng nglaksanakake Pemilu ing tanggal 7 Juni taun 1999.[2]. Sawisé iku dhèwèké mimpin 52 anggota KPU kang duwé tanggung jawab nglaksanakake pemilihan umum kanthi kontestan multiparté (48 parté pulitik kang béda-béda asas lan kepentingane) sapisan sawisé 44 taun.[2] Rudini uga minangka anggota Ikatan Cendekiawan Muslim Indonésia (ICMI).[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
