From Wikipedia, the free encyclopedia
Reca utawi patung inggih punika wewujudan tiron wujud manungsa lan kéwan ingkang cara damelipun kanthi dipunpahat,dicor lan dipunbobok.[1] Pangertosan punika dhedhasar tarjemahan saking sculpture pahatan amargi pamatung jaman rumiyin kathahipun ngginakaken teknik mahat.[1] Ing wekdal sapunika seni reca ugi dipunsebat plastic art, inggih punika seni plastis utawi seni wewujudan, maksudipun wewujudan ingkang éndah.[1] Reca minangka seni plastis gadhah teges ingkang jembar, amargi boten namung wujud manungsa utawi kéwan kemawon, nanging wujud menapa kemawon ugi saged dipunsebat reca, syaratipun kedah gadhah unsur kaendahan.[1] Wonten ugi ingkang negesi, bilih reca inggih punika karya tigang dhimènsi ingkang dipundamel kanthi teknik tartemtu.[2] Reca minangka karya seni sampun wonten wiwit manungsa. Ing jaman prasajarah, ugi ing jaman Mesir Kina, Yunani Kina, lan karajan Hindhu Buda.[1] Kathahipun reca dipundamel saking watu utawi kajeng.[1] Reca punika wonten ingkang ageng lan wonten ugi ingkang alit lan kathahipun gadhah sipat religius lan dipun-ginakaken kanggé kabutuhan adat. Nanging wonten ugi ingkang gadhah mangfaat minangka rerenggan.[1] Reca ing jaman samangke dipundamel saking manéka warni bahan lan gadhah sipat estetis (éndah wujudipun).[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
