Pulo Selayar

Pulau Selayar inggih punika salah sawijining Pulo ingkang dumunung ing Kabupatèn KapuloanSelayar,^[1] Sulawesi Selatan, Indonesia. Wonten ing pulo punika wonten kutha krajan Kabupatèn KapuloanSelayar inggih punika Kota Benteng saha manéka Kacamatan antawisipun Kacamatan Benteng, Kacamatan Bontoharu, Kacamatan Bontomanai, Kacamatan Bontomatene, Kacamatan Bontosikuyu dan Kacamatan Buki. Sarana transportasi saking jaban rangkah ingkang paling caket inggih punika Pelabuhan penyeberangan Pamatata ingkang dumunung ing désa Pamatata, kacamatan Bontomatene, Kabupatèn KapuloanSelayar. Papan anggegana paling caket ugi namung satunggal ing Pulo Selayar inggih punika Papan Anggegana H. Aroeppala ingkang dumunung wonten ing dhusun Padang, désa Bontosunggu, kacamatan Bontoharu, Kabupatèn KapuloanSelayar.^[1]

Pulo Selayar minangka salah satunggaling pulo ingkang kapisah saking daratan Sulawesi Selatan kanthi jembar wewengkon antawis 2000 km2 ingkang mapan saking lèr dumugi kidul, ing antawising Pulo Sulawesi kaliyan Pulo Takabonerate^[2] kanthi titik koordinat 6°5′48.7″S 120°30′16.86″EKoordinat: 6°5′48.7″S 120°30′16.86″E. Pérangan pasisir kilén saha lèr minangka pasisir wujud wewatuan ingkang cadas saha terjal, déné pasisir sisih wétan saha sapérangan kidul wujud pasisir ingkang landai saha wujud area hutan produksi sarta perkebunan rakyat. Kekhasan pulo punika antawisipun nyimpen manika jinis fauna endemik saha éndah, kados ta Tarsius tarsier. Kéwan punika gadhah awak ingkang awerni coklat abrit kanthi warni kulit klawu, mripatipun ageng kanthi talingan ngadhep mring ngajeng saha wujudipun amba.^[2]

Keistimewaan sanès saking Pulo Selayar inggih punika meh sadaya suku, etnik, agama saha budaya ingkang wonten ing sulawesi saged kapanggih wonten ing mriki. Suku Makassar, Bugis, Mandar, ingkang minangka suku ageng ingkang mapan ing sadaya daratan sulawesi ugi wonten ing mriki. Ingkang unik ugi bilih saben ètnis boten wonten ingkang mayoritas sadaya nedahaken adat saha budaya piyambak-piyambak. Ing perkembanganipun sampun wonten kadadosan evolusi budaya ingkang lajeng ndadaosaken satunggaling adat istiadat punika dados adat Selayar. Babagan sanès inggih punika saking segi basa. Basa Selayar sanès basa makassar, boten ugi basa Bugis, utawi Mandar nanging manawi dipunpremati bilih basa selayar inggih punika gabungan saking basa-basa mau.^[3] Peninggalan sajarah saha kabudayan ingkang khas ing pulo punika inggih Gong Nekara, Rumah Jabatan Bupati Selayar saha Jogèd Pakarena.

Cathetan suku

[anneahira.com-1] [1]

[trackpacking.com-2] [2]

[3] [3]
"basa selayar bukan basa makassar." radiocontrend.blogspot.com. 2010-08-19. ISSN 0215-2290. Dibukak ing 25 nov 2012. {{cite web}}: Check date values in: |accessdate= (pitulung)

[1]

[2]

[3]