From Wikipedia, the free encyclopedia
Prabu Garjendramuka, inggih punika salah satunggaling naléndra wontěn ing něgari Ragastina. Prabu Garjéndramuka punika, satunggaling naléndra ingkang gadhah wujud ingkang mbotěn limrah kados déne janmi manungsa limrah. Sariranipun awujud manungsa, nanging émanipun mustakanipun awujud liman. Mbok měnawi prěkawis punika ndadosakĕn sasmita utawi pralambang mĕnawi sang ratu Prabu Garjéndramuka mapanakĕn kéwan liman minangka kěkiatan saha kasěktènipun. Prĕkawis punika langkung cĕtha malih amargi, para sénapati ingkang ngrĕksa praja Ragastina ugi migunakakěn nama saking kéwan liman. Ing antawisipun, Patih praja Ragastina aran Patih Watu Gajah lajěng Antisura, ingkang minangka nujum sang Prabu Garjéndramuka. Sénopati pĕrangipun inggih awarni liman ugi, inggih punika Gajah Oya kaliyan Liman Běnawi. Saking wěwujudanipun saha nama ingkang sědaya migunakakěn liman, prěkawis punika nggambarakěn bilih praja Ragastina minangka satunggaling něgari ingkang gadhah kěkiatan ingkang agěng kados déné kéwan liman. Pramila, amarga agĕngipun saha agung, Prabu Garjéndramuka kasinungan pakarti ingkang sěsongaran, ala, gumědhé, kĕmaki, saha tansah mandĕng asor nĕgari-nĕgari sanèsipun.[1]
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
