Piranti kasar komputer iku kabèh pérangan fisik komputer, lan dibédakaké karo data kang ana ing sajeroné utawa kang lumaku ing jeroné, lan dibédakaké karo piranti alus (software) kang nyadiakaké instruksi marang piranti kasar sajeroning ngayahi tugasé.
Pérangan papan indhuk (motherboard) saka sawijiking piranti kasar komputer.
Wates antara piranti kasar lan piranti alus bakal rada kurang cetha nalika kita wicara ngenani firmware, amarga firmware iki wujud piranti alus kang "digawé" ing sajeroning piranti kasar. Firmware iki wujud wewengkon ing babagan èlmu komputer lan tènik komputer, kang arang dikenal déning umum.
Komputer lumrahé wujud komputer pribadi, (PC) sajeroning wangun desktop utawa menara kotak kang dumadi saka pérangan:
Papan sistem/papan indhuk kang dadi wadhah tumrap CPU, mémori , slot vga, lan duwé slot kanggo kartu tambahan.
RAM - papan panyimpenan data sauntara wektu,saéngga piranti alus kang kita anggo bakal kasimpen sauntara wektu, saéngga komputer ora perlu tansah ngaksès hard disk kanggo golèk data. Gunggung RAM kang luwih gedhé bakal mbiyantu kacepetan PC
CPU (Central Processing Unit) minangka utek lan pérangan utama komputer
Power supply - sawijining kothak kang nyaluraké daya menyang papan indhuk transformer, kontrol voltase lan kipas
Pangontrol panyimpenan, saka jinis IDE, SCSI utawa SATA utawa liyané, kang ngontrol hard disk, Floppy disk, CD-ROM, DVD-ROM lan drive liyané; kontroler iki dumunung ing papan indhuk utawa ing kartu tambahan
Pengontrol penampilan video kang mrodhuksi output tumrap komputer display
Pangontrol komputer bus (paralel, serial, USB, Firewire) kanggo nyambung komputer karo piranti tambahan njaba liyané kaya printer utawa scanner
Sawetara jinis panyimpenan komputer:
CD - tipe paling umum médhia kang bisa dicopot, murah nanging gampang rusak.
Nalika nggunakake unit kontrol manual, output regulator disambungake menyang aktorator liwat unsur-unsur pengalihan unit kasebut. Kanthi menet tombol ing blok, awak eksekutif dipindhah.[1]
