Mésias

Mésias (asalé saka basa Ibrani mashiah) iku tegesé "kang diurapi".^[1] Sajeroning basa Yunani, tembung mesias dijarwakaké kanthi tembung kristos, lan saka kono ditepungi sebutan Kristus kang dadi salah siji sesebutan Yésus.^[1] Sebutan mesias oyoté saka pangertèn Yahudi ngenani siji tokoh ing mangsa ngarep kang bakal teka minangka wakil Allah kanggo nggawa keslametan kanggo umat Yahudi.^[2] Konsèp mesianik iki ditepungi uga sajeroning agama-agama kang oyoté saka Abraham, yaiku kakristenan lan Islam. Sajeroning kakristenan, Yésus Kristus dianggep mesias kang wis diantu-antu kanggo nggawa keslametan saka Allah marang manungsa.^[1][2] Éwadéné sajeroning Islam, konsèp mesianik ana sajeroning pamahaman Islam ngenani Isa/Yésus kang bakal teka ing dina penghakiman kanggo ngalahaké dajjal.^[3] Pamahaman iki ora ana ing njeroning Quran, nanging sumberé saka Hadis.^[3]

Bagéan saka seri babagan Yésus Kristus Barkas:Kölner Maler um 1450–1460 001.jpg

Asma lan sesebutan Yésus • Kristus • Mesias • Isa Almasih • Juruwilujeng

Yésus Kristus lan Kakristenan Kronologi • Kalairan • Silsilah Pambaptisan • Pelayanan • Mukjizat Perumpamaan • Bujana Akir • Panyekelan Pangadilan • Panyaliban • Pati Panguburan • Wungu • Mékrad Rawuh kapindho • Penghakiman

Ajaran utama Yésus Kristus Mesias • Kotbah ing Bukit Donga Rama Kawula • Ukum Katresnan Bujana Wengi • Amanat Agung

Pandhangan marang Yésus Pandhangan Kristen Pandhangan Islam Pandhangan Yahudi Yesus jroning sajarah Yesus jroning karya seni

This box: deleng rembug besut

Tembung mésias ngrujuk marang wong kang diurapi Allah, selaras kabiyasan Israèl kuna kang ndeleng tindakan pangurapan minangka tengering pamilihan lan panyucèn Allah.^[4] Wong kang diurapi dianggep duwèkané Allah lan éntuk jejibahan kusus.^[4] Tokoh-tokoh kang dilantik kanthi pangurapan lumrahé raja lan imam, utawa uga tokoh kang dipilih déning Gusti dhéwé.^[4] Sajeroning Alkitab Ibrani utawa Prajanjian Lawas, istilah mau diwènèhaké marang Raja saka wong-wong Yahudi kang diurapi nalika prastawa pelantikan dhèwèké (bdk. 1 Samuel 10:1, Mazmur 2:2).^[5]

Deleng uga

• Sesebutan Yesus
• Dajjal
• Apokaliptik
• Penghakiman akir
• Eskatologi
• Sétan

Réferènsi

1. S.M. Siahaan. 2001. Pengharapan Mesianis dalam Perjanjian Lama. Jakarta: BPK Gunung Mulia.
2. Barnabas Ludji. Karajan Mesias. Jakarta: UPI STT Jakarta.
3. John Iskander. 2009. "Antichrist". In Encyclopedia of Islam. Juan Campo (ed.).New York: Facts On File.
4. C. Groenen. 1980. Pengantar ke dalam Perjanjian Lama. Yogyakarta: Kanisius.80-82.
5. Bart D. Ehrman. 2004. The New Testament: A Historical Introduction to the Early Christian Writings. New York, Oxford: Oxford University Press.

Pranala njaba

Wikicuplik duwé cuplikan ngenani: Mésias

• (ing basa Ibrani) Mesias yang dijanjikan
• Messiah in the 1911 Encyclopædia Britannica
• Jewish Encyclopedia: Messiah
• The Qur'anic Verses That Mention the Title "Messiah" Archived 2013-10-14 at the Wayback Machine.
• The Concept of Messiah in Islam
• The Concept of Messiah in Messianic Judaism
• Inter-Islam biographies
• Awaz-e-Masih