senyawa kimiya From Wikipedia, the free encyclopedia
Metanol, uga ditepungi minangka metil alkohol, wood alcohol utawa spiritus, iku senyawa kimia mawa rumus kimia CH3OH. Metanol wujud wangun alkohol paling prasaja. Ing "kaanan atmosfer" metanol awangun cuwèran sing ènthèng, gampang nguwap, ora duwé warna, gampang kobong, lan asifat racun kanthi ambu sing khas (ambuné luwih ènthèng tinimbang etanol). Metanol digunakaké minangka bahan pangadhem anti beku, pelarut, bahan bakar lan minangka bahan aditif kanggo etanol indhustri.
Metanol | |
---|---|
![]() |
![]() |
![]() |
![]() |
metanol | |
Jeneng liya hidroksimetanmetil alkoholmetil hidrat alkohol kayukarbinol | |
Identifikasi | |
Nomor CAS | [67-56-1] |
Nomer RTECS | PC1400000 |
SMILES | CO |
Sifat | |
Rumus molekul | CH3OH |
Massa molar | 32.04 g/mol |
Panampilan | colorless liquid |
Densitas | 0.7918 g/cm³, liquid |
Titik leleh |
–97 °C, -142.9 °F (176 K) |
Titik umob |
64.7 °C, 148.4 °F (337.8 K) |
Kelarutan dalam air | Fully miscible |
Kaasaman (pKa) | ~ 15.5 |
Viskositas | 0.59 mPa·s at 20 °C |
Momen dipol | 1.69 D (gas) |
Bahaya | |
Klasifikasi EU | Flammable (F)Toxic (T) |
NFPA 704 | |
Frasa-R | R11, R23/24/25, Cithakan:R39/23/24/25 |
Frasa-S | (S1/2), S7, S16, S36/37, S45 |
Titik murub | 11 °C |
Senyawa kagandhèng | |
alkanols kagandhèng | etanolpropanolbutanol |
Senyawa kagandhèng | klorometanmetosimetan |
Kejaba ditélakaké suwaliké, data ing ndhuwur kanggo ing suhu lan tekanan standar (25°C, 100 kPa) |
Metanol diprodhuksi kanthi alami déning metabolisme anaerobik déning bakteri. Asil prosès mau ya iku uwap metanol (sajeroning gunggung cilik) ing udara. Sawisé sapérangan dina, uwap metanol mau bakal kaoksidasi déning oksigèn kanthi diréwangi sinar srengéngé dadi karbon dioksida lan banyu.
Reaksi kimia metanol sing kobong ing udara lan mbentuk karbon dioksida lan banyu ya iku:
Geni saka metanol racaké ora ana wernané. Mula, awaké dhéwé kudu ngati-ati yèn ana cerak metanol sing kobong kanggo nyegah tatu amarga déné geni sing ora katon.
Amarga sifaté sing mawa racun, metanol asring digunakaké minangka bahan aditif kanggo gawé alkohol kanggo panggunaan indhustri; Panambahan "racun" iki bakal ngéndhani indhustri saka pajeg sing bisa ditrapaké amarga etanol wujud bahan utama kanggo minuman keras (ombènan ngandhut alkohol). Metanol sok-sok uga diarani wood alcohol amarga biyèn wujud prodhuk samping saka distilasi kayu. Saiki metanol diasilaké liwat prosès multi tahap. Sacara singkat, gas alam lan uwap banyu diobong sajeroning tungku kanggo mbentuk gas hidrogen lan karbon monoksida; banjur, gas hidrogen lan karbon monoksida iki direaksiaké sajeroning tekanan dhuwur kanthi réwangan katalis kanggo ngasilaké metanol. Tahap pambentukané iku endotermik lan tahap sintesisé iku eksotermik.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.