From Wikipedia, the free encyclopedia
Menara Petronas inggih punika pencakar langit cacah ingkang wonten ing Kuala Lumpur, Malaysia ingkang naté dados gedhong paling inggil sadonya.[1]
Menara punika dipunrancang déning Adamson Associates Architects, Kanada kaliyan Cesar Pelli saking Cesar Pelli of Cesar Pelli & Associates Architects Amérikah Sarékat ingkang purna dipunyasa ing taun 1998.[2] Gedhung punika gadhah 88 lanté kanthi desain interior ingkang ngrefleksikaken budaya Islam ingkang kiyat dipungebeng nagari Malaysia.[1] Nalika tanggal 17 Oktober 2003.[1] Taipei 101 mendhet rekor gedhong kembar punika.[1] Nanging Menara Petronas tetep nyepeng rekor gedhong kembar paling inggil sadonya.[1]
Cesar Pelli ugi sampun ngrancang gedhong Miglin-Beitler Skyneedle (utawi saged dipunsebat Miglin-Beitler Tower) ingkang inggilipun 609,58 m ing Chicago, Amérikah Sarékat ingkang purna dipunyasa ing taun 1988 ingkang kadosipun mémpèr kaliyan Menara Petronas.[3]
Menara Petronas gadhah inggil 452 méter utawi 1483 kaki.[1] Wujud lanténipun wujud kalih pesagi ingkang mbentuk bintang ingkang pucukipun wonten wolu.[1] Desain Cesar Pelli punika ngginakaken motif ingkang limrah dipun-ginakaken ing seni Islam kados budaya Islam ingkang sampun dados ciri khasipun Malaysia.[1]