From Wikipedia, the free encyclopedia
Melamina[2] iku senyawa basa organik kanthi rumus kimia C3H6N6 lan duwé jeneng IUPAC 1,3,5-triazina-2,4,6-triamina. Melamina mung sethithik larut ing banyu.
| Melamina[1] | |
|---|---|
 |
 |
| Jeneng Sistematis | 1,3,5-Triazina-2,4,6-triamina |
| Jeneng liya | Sianurotriamida Sianurotriamina Sianuramida |
| Identifikasi | |
| Nomor CAS | [108-78-1] |
| PubChem | |
| SMILES | Nc1nc(N)nc(N)n1 |
| Sifat | |
| Rumus molekul | C3H6N6 |
| Massa molar | 126,12 g/mol |
| Panampilan | Putih padhet |
| Densitas | 1574 kg/m3 |
| Titik leleh |
350 °C, 623 K, 662 °F |
| Titik umob |
Menyublim |
| Kelarutan dalam air | 3,1 g/l (20 °C) |
| Kajaba dinyatakaké suwaliké, data ing dhuwur lumaku ing kaanan standar (25 °C, 100 kPa) | |
Melamina iku trimer saka sianamida, lan kaya déné sianamida, melamina ngandhut 66% nitrogen (miturut massa). Melamina minangka metabolit saka siromazina, sajinis pestisida. Melamina kadhapur sajeroning tubuh mamalia sing ngonsumsi siromazina.[3] Dilapuraké uga siromazina diowahi dadi melamina sajeroning tetuwuhan.[4][5]
Melamina pisanan disintesis déning Liebig ing taun 1834. Sajeroning produksi awal, kalsium sianamida diowahi dadi disiandiamida, banjur dipanasaké ing sadhuwuring titik leburé kanggo ngasilaké melamina. Nanging, ing jaman saiki, akèh-akèhé pabrik indhustri migunakaké uréa kanggo ngasilaké melamina liwat reaksi mangkéné
Pisanan, urea kaurai dadi asem sianat sajeroning reaksi endotermik: (NH2)2CO → HCNO + NH3. Banjur asem sianat ngalami polimerisasi mbentuk melamina lan karbon dioksida: 6 HCNO → C3H6N6 + 3 CO2. Reaksi kapindho ya iku eksotermik, nanging kabèh prosès reaksi duwèni sipat endotermik
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
