From Wikipedia, the free encyclopedia
Le Duc Tho (Lê Ðức Thọ) (14 Oktober 1911 – 13 Oktober 1990) ya iku pejuang, jendral, diplomat, lan pulitikus saka Vietnam.[1] Taun 1930, Le mèlu awèh dana Parté Kuminis Indochina.[1] Pamaréntah kolonial Prancis njeblosaké Le menyang pakunjaran saka taun 1930 nganti tekan taun 1936 lan uga sapisan manèh saka taun 1939 nganti tekan taun 1944.[1] Sawisé bébas saka pakunjaran nalika taun 1945, Le mèlu mbantu mimpin Viet Minh, obahan kamardikan Vietnam kang nglawan Prancis, nganti tekan Parsetujon Jenewa kang ditandhatangani nalika taun 1954.[1] Le banjur mèlu gabung karo Politbiro Lao Dong saka Parté Buruh Vietnam taun 1955, kang saiki dadi Parté Kuminis Vietnam.[1] Le mimpin pambrontakan kuminis kang wiwit taun 1956 nglawan papréntahan Vietnam Kidul.[1]
Amérika Sarékat kanthi aktif mèlu ana ing Perang Vietnam nalika wiwitan taun 1960-an.[2] Xuan Thuy kang mimpin tim perundhingan resmi kang makili Républik Dhémokratik Vietnam ana ing rembugan ing Paris, Le lan Penasihat Kaamanan Nasional Amérika Sarékat Dr.[2] Henry Kissinger wiwit Fèbruari 1970 mèlu ana ing rembugan wadi kang pungkasané ngasilaké gencatan senjata ana ing Pasetujon Damai Paris tanggal 27 Januari 1973.[2] Sajarah dhasar pasetujon iku kalebu: pambébasan tahanan perang saksuwéné 80 dina; gencatan senjata kang dimonitor déning Komisi Pengendhalian lan Pangawasan Internasional (ICC); pemilu bébas lan dhémokratis kang arep dianakaké ing Vietnam Kidul; bantuan saka Amérika Sarékat marang Vietnam Kidul kang terus lumaku; wadyabala RDV tetep ing Vietnam Kidul; pamanunggalan manèh Vietnam.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
