Gillian Chung
From Wikipedia, the free encyclopedia
From Wikipedia, the free encyclopedia
Gillian Chung Yan-Tung (Hanzi tradhisional: 鍾欣桐, Hanzi prasaja: 锺欣桐; Kantonis: zung1 jan1 tung4, Pinyin: zhōng xīntóng; lair 21 Januari 1981; umur 43 taun) dhèwèké iku penyanyi, aktris lan anggota grup musik saka Hong Kong, Twins, kondhang dadi penyanyi, Dhèwèké anggota saka grup Cantopop Twins, bebarengan karo Charlene Choi nalika taun 2000, lan bubar nalika taun 2007.[1] Chung diundhang déning salah sijiné lembaga model, nalika dhèwèké esih kerja ning Hong Kong.[2]
Dhèwèké nuli ditawari kanggo nyambut gawé ning Kaisar Entertainment Group (EEG), lan langsung diterima kerja ning kana ning taun 2000.[2] Dhèwèké dikontrak lan nglakoni pelatihan sadurungé diarahaké kanggo nggawé kariré luwih maju.[2] Dhèwèké nganggo jeneng panggung Chung Yan-Tung meluni saran saka manajeré kang jenengé Mani Fok, Nalika tanggal 18 Mèi taun 2001, dhèwèké dipasangaké karo Charlene Choi kanggo wujud grup musik duo kang dijenengi grup Twins, lan wis bisa ngerilis album telung wulan sawisé nggabung.[2]
Chung wiwit karir soloné kanthi cara nyambut gawé ning dunya filem, dhèwèké tau mainaké peran ning filem MAN U, kang dirilis nalika taun 2002.[2] Sawisé meranaké tokoh ninng filem mau, dhèwèké dadi percaya dhiri anggoné mbuktikaké manawa dhèwèké bisa lan duwé bakat akting kang ora biyasa.[2] Sawisé sukses mbintangi macem-maceming filem ning Televisi, akiré dhèwèké olèh panghargaan ning ajang Tokyo International Film Festival kanggo kategori aktris paling apik.[2]
Nalika taun 2006, Chung kalibet masalah amaerga ana wartawan kang meneng-menengan njukut gambaré nalika ana ning ruwang ganti.[2] Nalika iku, dhèwèké lagi nganakaké konser ning Genting Highlands, Malaysia.[2] Foto mau nuli diterbitaké déning majalah Easy Finder dadi carita samak.[2] Nanging majalah mau olih kecaman saka pihak-pihak liyané, kaya ta pihak saka Jackie Chan lan pihaké aktor kondhang Andy Lau.[2] Akiré pihak majalah ngaku manawa salah lan njaluk ngapura kalro Gillian Chung.[2]
Nanging, sawisé kalibet masalah karo majalah Easy Finder, Chung kalibet kasus manèh amarga foto-foto intimé karo Edison Cheng kang nglakoni adegan intim karo para selebritis, kaya ta Chung.[2] Foto-foto mau, kasebar ning internet kang akiré dingerteni déning masarakat, masalah kang nggawé jenengé Chung èlèk.[2] Kanggo netralaké masalah iku, Chung akiré duwé insiatif kanggo anjaluk ngapura marang masarakat amarga kasalahan kang tau dilakoni déning Chung.[2] Nanging, ora namung nggawé jenengé tansah èlèk, foto-foto iku uga nggawé kariré Chung saéngga dhèwèké dicopot saka beberapa peran kang dilakoni déning dhèwèké.[2] Grup Twins uga bubar amarga kasus iku, Charlene Choi milih misah lan wiwit karir solo.[1]
Film-filem kang tau dibintangi Gilian Chung:
Serial TV kang tau dibintangi Giglian Chung:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
