Cnidaria

Cnidaria iku divisi saka kingdom animalia ^[5]. Dijenengi Cnidaria amarga kéwan iki duwé sel knidoblast kang isiné organel antup.^[6] Ana paling ora 10.000 spésies melbu ing filum Cnidaria.^[6] Akeh-akèhé spésies kang lumebu ing filum iki uripé ing laut.^[6] Ana sapérangan Cnidaria kang uripé dhéwékan utawa soliter lan sebagiéyan manèh uripé koloni.^[6] Cnidaria mung duwé bolongan siji kang gunané kanggo tutuk lan kanggo anus.^[6] Cnidaria njupuk buruané nganggo téntakelé.^[6] Rupane Cnidaria iku ana loro kang kapisan iku polip lan kaping pindho iku médhusa.^[6] Polip iku maksudé rupané kaya tabung lan duwé cangkem ing pérangan dorsal kang ana tentakelé, cangkeme ana ing sisih ngisor.^[6] Médhusa iku maksudé rupané kaya cakram lan diubengi tentakel.^[6]

Cnidaria Kalamangsa: 580–0 Ma PraЄ Є O S D C P T J K Pg N Ediacaran–Recent
Pacific sea nettles, Chrysaora fuscescens
Klasifikasi ngèlmiah
Karajan:	Animalia
Subkarajan:	Diploblast
Klad:	ParaHoxozoa
Filum:	Cnidaria Hatschek, 1888
Subphyla[1] and classes
Class Anthozoa - inc. corals Subphylum Medusozoa—jellyfish and hydrozoans:[2] Class Cubozoa—box jellyfish, sea wasps Class Hydrozoa—hydroids, hydra-like animals Class Polypodiozoa—parasites Class Scyphozoa—true jellyfish Class Staurozoa—stalked jellyfish Class Myxozoa—parasites[3][4]

Jinisé Cnidaria

• Hydrozoa : akèh-akéhé Hydrozoa urip ing laut lan cara uripé kelompokan utawa koloni. Contoné hydrozoa iku Hydra.^[6]

Hydra ya iku Hydrozoa soliter (urip dhéwé-dhéwé) sing uripé ing banyu tawa.

• Scyphozoa : Scyphozoa iku asalé saka tembung skyphos kang artiné tutup lan zoon kang artiné kéwan. Contoné Scyphozoa iku Aurelia Aurita utawa uwur-uwur.^[7]
• Anthozoa : Anthozoa iku asalé saka tembung Anthos kang artiné kembang lan zoon kang artiné kéwan. Dadi arti Anthozoa iku kéwan kang kaya kembang. Contoné Anthozoa iku Anemon llaut lan kembang-kembang karang.^[7]