From Wikipedia, the free encyclopedia
Bènsin ya iku cuwèran campuran kang asalé saka lenga bumi lan luwih akèh kasusun saka hidrokabon, uga digunakakè minangka bahan bakar mesin.[1] Istilah Gasolin okeh digunakaké sajeroning indhustri lenga.[1] Kadhang kalané istilah mogas (singkatan saka motor gasoline, digunakaké mobil) kanggo mbédakaké karo avgas, gasolin kang digunakaké déning motor mabur. Wong Amérika gunakaké 1,36 miliyar liter bènsin saben dina.[1]
Kualitas bènsin ditentokaké karo wilangan oktan, ya iku wilangan kang nuduhaké cacahé isooktan sakjroné bènsin. Wilanga oktan dadi ukuran kemampuan bahan bakar ngatasi ketukan nalika kobong sajeroning mesin.[2] Ing jeroné mesin, campuran bènsin lan angin (awujud gas) bisa kobong langsung sadurungé kena cipratan geni saka busi.[2] Dadi, sansaya dhuwur wilangan oktané, sansaya suwi bènsin iku kobong kanthi spontan. Manawa panggunaan kadar oktan ora jumbuh mangka bisa dadékaké piston dadi bolong.[2] Contoné manawa mobil gawéan taun 2000 gunakaké oktan 88 (bènsin premium), kang jelas piston mesti bolong.[2] Struktur bènsin kang apik ya iku kanti komposisi n-heptana 0% bisa-oktana 100%, n-heptana ya iku ranté karbon kang ngepang.[2] Yèn setruktur BBM luwih akèh saka ranté pangé mangka, bènsin mau luwih angèl kanggo kobong lan digolongaké bènsin kang duwèni mutu apik.[2] Lan sewaliké, yèn komposisiné luwih akèh ranté karbon lurusé mangka bènsin mau mutuné kurang apik.[2]
Kualitas bènsin ditentoké déning presentase isooktana utawa wilangan oktané. Kualitas bènsin ditentoké déning efisiensi oksidasi kang dilakokakéé bènsin tumrap mesin. Selot akèh cabang mangka selot gedhé efisiensi ènèrginé, lan sewaliké. Dadi kanti anané komponèn bènsin kang berantai lurus bakal nyebapaké ènèrgi kaguwak minangka panas, lan mesin dadi rikat rusak.[3]
Bènsin kang digunakaké déning salah sijiné kendaraan kudu duwé angka oktana kang jumbuh karo kebutuhan angka oktana mesin kendaraan. Angka oktana kang luwih endèk saka kebutuhan angka oktana mesin kendaraan bakal nyebapaké ketukan utawa detonasi ing mesin. Ketukan kang kadadéan ana ing mesin ngkibataké suwara kang ora énak lan mbuang ènèrgi bahan bakar saéngga ndadèkaké boros. Kedadéan ketukan ing sajeroning wektu kang cukup suwi bakal nyebapaké piston, katup-katup lan busi terlalu panas (overhead) iki bisa ngurangi umur mesin.[4]
Bènsin duwé pira-pira jeneng, tergantung marang produsèn lan Oktan. Pirang-pirang jinis bènsin kang misuwur ing Indonésia ing natarané:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
