Bayi

Bayi inggih punika manungsa ingkang nembé kémawon miyos ngantos yuswa 12 sasi, ananaing boten wonten watesan pasti. Miturut Psikologi, Bayi inggih punika periode parkembangan antawisipun miyos ngantos 18 utawi 24 sasi. Masa bayi inggih punika masa ingkang gumantung sanget kaliyan tiyang diwasa. Kathah kagiyatan psikologis ingkang kadadosan minangka wiwitan kados ta basa, pamikiran simbolis, koordinasi sensorimotor, saha gladhen sosiyal. Wonten ing masa punika bayi kapérang dados kalih, kapejahan neonatal (kapejahan ing 27 dinten sepindha miyos, saha post-neonatal (sasampunipun 27 dinten). Bayi dipunparingi panganan lumantar susu indhustri kusus. Bayi gadhah pamikiran nyedot, ingkang damel piyambakipun saged nyedot susu saking Prembayun. Manawi ibu boten saged nyosoni, saged dipun-gantos kanthi formula bayi ingkang biyasa dipun-ginakaken wonten ing nagari kulon. Ing nagari sanès wonten jasa sewa perawat basah(wet nurse) kanggé nyosoni bayi mau. Bayi boten saged ngatur pambuangan kotoranipun, pramila dipun-ginakaken popok. Popok ingkang dipun-ginakaken bayi saged awujud popok saking jarit biyasa utawi popok ingkang sekali ageman (diapers). Sapunika popok sekali ageman asring dipun-ginakaken amargi praktis ugi boten ngrepotaken, nanging wonten prekawis saking popok sekali ageman inggih punika prekawis ruam popok. Kulit bayi ingkang sensitif asring katutup saha éwed ambékan saéngga mungkinaken kawontenanipun prakawis ruam saha iritasi kulit bayi. Manawi boten dipuntangani njalari peradangan kulit bayi saha infeksi.^[1]

Bayi

Urutan perkembanganipun fisik bayi saderengipun saged mlampah:

Bayi mlampah.

• milai jumeneng saking kaanan lenggah kanthi cepengan wonten ing méja utawi kursi (limrahipun yuswa 9 sasian)
• milai gladhen nekuk jengkunipun (yuswa 10 sasian)
• milai gladhen lenggah saking kaanan jumeneng (yuswa 10 sasian)
• milai mlampah rémbétan, kanthi cepengan piranti griya (yuswa 11 sasian)
• milai mlampah saha pindhah saking satunggal piranti dhateng piranti sanès nyambi cepengan (yuswa 12 sasian).^[2]

Faktor-faktor Panyebab awrat Bayi kirang limrah

• Faktor Ibu

Salah satunggaling faktor punika kekirangan gizi, rikala nggarbani Ibu kedah nyukupi asupan gizi supados janin kajaga kasarasanipun. Sanésipun, faktor usia ibu ugi gegayutan kaliyan awratipun janin. Ibu ingkang usia remajasaha usia inggilipun 40 taun limrahipun ukuran bayi punika langkung andhap.^[1]

• Faktor Nggarbani
  • Komplikasi Hamil
    • Pre-eklampsia/ Eklampsia.^[1]

Cathetan suku

1. Sakilas babagan Bayi (dipununduh 10 nopember 2012)
2. Urutan perkembanganipun fisik bayi saderengipun saged mlampah Archived 2012-11-02 at the Wayback Machine. (dipununduh 10 nopember 2012)