From Wikipedia, the free encyclopedia
Suku Nias yaiku kalompok masarakat kang urip ing pulo Nias.[1] Ing basa asliné, wong Nias diarani "Ono Niha" (Ono = anak/katurunan; Niha = manungsa) lan pulo Nias kanthi jeneng "Tanö Niha" (Tanö = tanah).[1]
Suku Nias iku masarakat kang urip ing lingkungan adat lan kabudayan kang isih dhuwur.[1] Hukum adat Nias diarani fondrakö.[1] Hukum iki kang ngatur kabèh segi kauripan wiwit saka lair nganti mati.[1] Masarakat Nias kuna urip ing budaya megalitik iki dibuktekake karo tilas sajarah kang wujud ukiran ing watu-watu gedhé kang isih tinemu ing laladan pedalaman pulo iki nganti saiki.[1] Suku Nias duwé sistem kasta(12 tataran Kasta).[1] Tingkatan kasta kang paling dhuwur yaiku Balugu.[1] Kanggo nampa kasta iki wong kudu bisa nggawé pista gedhé lan ngundang éwonan wong lan nyembelih éwonan babi kanthi wektu pirang-pirang dina.[1]
Miturutt masarakat Nias, salah sijiné mitos asal usul suku Nias asalé saka wit kauripan yaiku Sigaru Tora`a kang manggon ing salah sijiné pasnggonan kang jenengé Tetehöli Ana'a.[1] Miturut mitos iki, manungsa teka kang sepisanan ing Pulo Nias iku nalika jaman Raja Sirao kang nduwé anak cacahé sanga kang dikongkon metu saka Tetehöli Ana'a amarga rebutan Takhta Sirao.[1] Anak-anaké kang cacahé sanga iki dadi wong kang sepisanan kang manggon ing Pulo Nias.[1] Jogèd kanggo simbul ngluhuraké penganten lanang lan kluwargané diarani Jogèd Maena.[1] Jogèd maena lumrahé dilakoni penari lanang lan wadon kanthi pasang-pasangan.[1] Bolanafo iku kerajinan tangan wong wadon Nias kang dadi simbul penghormatan lan kebersamaan suku Nias.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.