From Wikipedia, the free encyclopedia
Walang sangit (Leptocorisa oratorius Fabricius, (Hemiptera:Alydidae); syn. Leptocorisa acuta) ya iku kéwan gegremetan kang dadi ama kang wigati tumrap wong tani, mligi ing tuwuhan pari ing Indonésia.
Walang sangit | |
---|---|
![]() | |
Klasifikasi ngèlmiah | |
Karajan: | Animalia |
Filum: | Arthropoda |
Klas: | Insecta |
Ordho: | Hemiptera |
Famili: | Alydidae |
Génus: | Leptocorisa |
Spésies: | L. oratorius |
Jeneng binomial | |
Leptocorisa oratorius Fabricius | |
Sinonim | |
Leptocorisa acuta |
Walang iki karan: kungkang (Sunda), pianggang (Sumatera), lan tenang (Madura).[1]
Kéwan iki gampang dititèni saka awaké kang dawa watara 2 cm, wernané soklat semu klawu lan duwé tlalé kang karan proboscis kanggo ngisep sarining tetuwuhan. Walang sangit kalebu ordho Hemiptera, ya iku bangsané kepik sajati.
Walang sangit ngisep sarining tuwuhan ing gagang kembang lan pari nom sawisé mekatak. Manawa kaserang walang sangit, tuwuhan banjur kurang dat hara, malih kuning klorosis lan sabanjuré dadi ilang kekuwatané.
Jeneng sangit kajupuk saka ambu kéwan iki nalika keganggu, sanajan gegremet liya saka Alydidae uga ngasilaké ganda kang saèmper.
Walang sangit kalebu ama kang nyerang tuwuhan pari sawisé ngembang kanthi cara nyesep cuwèran lasé pari kang njalari ijèné pari dadi kopong.[2] Ing Indonésia walang sangit dadi ama kang mbebayani tumrap tetanèn.[2] Saka 100.000 walang sangit saben héktar bisa ngurangi kasil panèn nganti 25 %.[2]
Yèn saben 9 dhapuran pari ana 5 walang bisa ngurangi kasil 15 %.[2] Kuwalitas gabah kang ditrajang walang sangit uga dadi èlèk. Walang sangit ngundhakaké Grain dis-coloration kang nggawé pari ora apik mutuné.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.