From Wikipedia, the free encyclopedia
Vèteran (saka basa Latin vetus, kang artiné tuwa) yaiku wong kang tau duwé pengalaman ing babagan Militèr utawa panegak hukum.[1] Lumrahé ana telung tataran kanggo vèteran, kang paling dhuwur yaiku vèteran perang kamardékaan, banjur vèteran perang kanggo njaga kamardékaan bangsa saka agresi nagara liya, lan kang pungkasan yaiku vèteran perang kanggo mbéla kapentingan bangsa-bangsa sekuthu, utawa mbéla kapentingan pulitik nagara.[1] Pensiunan bala kang ora tau perang nglawan musuh saka njaba ora kena diarani vèteran, mung bisa diarani purnawirawan.[1]
Ing Indonésia ana rong kategori kanggo vèteran, yaiku Vèteran Pejuang Kamardékaan kanggo sing mèlu Perang Kamardékaan Indonesia saka taun 1945 nganti taun 1949, lan Vèteran Pambéla Kamardikan kanggo kang mèlu perang nalika jaman Trikora lan Dwikora, uga kang ana ing Timor Timur saka taun 1975 nganti taun 1976.[2] Kejaba iku, saiki uga lagi diusulaké prédikat Vèteran kang bala kang wis tau dikirim ning nagara manca kanggo tugas njaga perdamaian ing sangisoré bendéra Perserikatan Bangsa-Bangsa, amarga wis éntuk rekomendasi saka WVF.[2] Ing sapérangan donya, Vèteran banget nggoné dihormati masarakat.[2] Ing Amérikah Sarékat contoné, ana dina mirunggan kanggo para Vèteran perang, yaiku dina Vèteran.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
