From Wikipedia, the free encyclopedia
Cithakan:Infobox Paris Network generic
Jalur trèm dipunoperasikaken ing Paris déning otoritas transportasi umum RATP, ingkang ugi ngoperasikaken Métro de Paris lan manéka operasi bus. Kutha punika gadhah sekawan jalur lan wonten ing rantaman badhé dipuntambah satunggal.
Wiwit taun 1855 dumugi 1938, Paris dipunlayani déning sawijining jaringan trem dawa, ngrumiyini Metro sepalih abad. Akhir saking rute trem génerasi kapisanan, nuju Versailles, dipuntutup taun 1957.
Kanthi tenaga-jaran, trem Paris migunakaken uwab, lajeng mesin pneumatik, lan listrik.
Rèl kabel ingkang operasi wonten ing Belleville wiwit taun 1891 dumugi taun 1924 asring dipunanggep minangka jalur trem.
Generasi trem énggal kapisanan ing Paris, jalur T1 dipunbikak taun 1992, kanthi jalur T2 taun 1997, T4 tanggal 18 November 2006, lan T3 tanggal 16 Dhésèmber 2006. Wonten ing Januari 2007, konstruksi T8dèrèng dipunwiwiti.[1]
Jalur T1 ngubungaken Saint-Denis kaliyan Noisy-le-Sec, paralèl nuju wates lèr kutha Paris. Dipunbikak taun 1992, lan dipuntambahi nuju Noisy-le-Sec pungkas nalika taun 2003. Perpanjangan kilén nuju Asnières lan Gennevilliers dipunjadwalaken bikak taun 2010, lan kalajengaken dhateng Nanterre dipunrantam. Perpanjangan ngétan nuju Montreuil lan stasiun RER Val de Fontenay ugi karantam.
Jalur T2 (Trans Val-de-Seine) ngubungaken La Défense kaliyan Issy-les-Moulineaux ing kilén Paris. Dipunbikak taun 1997, kathah-kathahipun ing margi dhateng nengen SNCF.
Amargi kesuksésan jalur punika (65.000 penumpang saben dinten) trem mau dipuntambah dawanipun taun 2005, nambah kapasitas saben trem dados 440 panumpang.
2 proyèk perpanjangan dipunrantam rampung ing taun 2009: perpanjangan ngalér nuju Bezons, lan ngétan nuju Porte de Versailles, sawijining titik pindhah dhateng lan saking Metro jalur 12 lan jalur T3.
Dipunbikak tanggal 16 Dhésèmber 2006, jalur T3 minangka trem modérn kapisanan ing kutha Paris. Dipunkenal minangka Tramway des Maréchaux amargi ndhèrèkaken margi wonten ing rute pertahanan Thiers muteri Paris (dipunyasa taun 1941-45) lan dipunsukani nama kanthi nama manéka marsekal Napoleon (maréchaux). Jalur punika ngubungaken stasiun RER Boulevard Victor ing pérangan kilén arondisemen XVe kaliyan stasiun metro Porte d'Ivry ing arondisemen XIIIe.
Jalur punika dipunprakirakaken ngangkud 100.000 panumpang saben dinten.
Rantaman perpanjanganngliputi jalur nuju Porte de Charenton taun 2011 lan Porte de la Chapelle.
Jalur T4 minangka sawijining jalur trem-kereta api, nindakaken operasi ing sapérangan jalur SNCF, ngubungaken stasiun RER Bondy kaliyan stasiun Aulnay-sous-Bois. Dipunbikak tanggal 18 November 2006. Boten kados jalur trem sanèsipun ing Île-de-France, T4 dipunoperasikaken déning SNCF.
Rantaman perpanjangan jalur trem candhakipun inggih punikah konstruksi jalur kaping 5-kanthi nomer T8-ngubungaken stasiun metro Châtillon-Montrouge kaliyan Viroflay Rive Droite jalur rèl Transilien Paris-Saint Lazare. Konstruksinipun kajadwal wiwit taun 2006.[2]
Jalur bis Trans-Val-de-Marne, ingkang mbentang ing lajur bis mirunggan lan katujokaken kanggé nyamektakaken angkudan rikat tenggara Paris ing département Val-de-Marne, dipunoperasikaken déning RATP. Éwadéné kanthi wiwitan T, jalur punika sanès minangka péranganing jaringan trem.
Jalur prospektif sanèsipun ingkang dipunkajengaken utawi ing pambangunan:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
